Punjab Latest News: લુધિયાણાના પશ્ચિમ મતવિસ્તારના આમ આદમી પાર્ટીના ધારાસભ્ય ગુરપ્રીત ગોગીનું માથામાં ગોળી વાગવાથી મૃત્યુ થયું છે. એવી અટકળો ચાલી રહી છે કે મૃતક ધારાસભ્યએ પોતાને ગોળી મારી છે, પરંતુ હજુ સુધી કોઈ વહીવટી અધિકારીએ સત્તાવાર રીતે પુષ્ટિ કરી નથી કે તેમનું મૃત્યુ કેવી રીતે થયું, કોઈએ તેમને ગોળી અચાનક મારી હતી કે તેમણે જાતે ગોળી મારી હતી કે પછી કોઈ બીજાએ ગોળી ચલાવી હતી, તે અંગે હાલમાં કંઈ કહી શકાય નહીં.
સંયુક્ત પોલીસ કમિશનર જસકરણ સિંહ તેજાએ AAP ધારાસભ્યના મૃત્યુની પુષ્ટિ કરી અને કહ્યું કે તેમને મૃત હાલતમાં DMC હોસ્પિટલમાં લાવવામાં આવ્યા હતા. તેમના મૃતદેહને પોસ્ટમોર્ટમ માટે શબઘરમાં રાખવામાં આવ્યો છે. આ ઘટના મોડી રાત્રે ૧૨ વાગ્યાની આસપાસ બની હતી. પોલીસ કમિશનર કુલદીપ ચહલ અને ડેપ્યુટી કમિશનર જીતેન્દ્ર જોરવાલ ડીએમસીએચ ખાતે હાજર છે. AAP ધારાસભ્યના મૃત્યુનું કારણ જાણવા માટે મૃતદેહનું પોસ્ટમોર્ટમ કરવામાં આવશે.
તેઓ 2022 માં AAP માં જોડાયા હતા
ડેપ્યુટી કમિશનર ઓફ પોલીસ (ડીસીપી) જસકરણ સિંહ તેજાએ ન્યૂઝ એજન્સીને જણાવ્યું હતું કે ધારાસભ્યના મૃત્યુ વિશે કંઈ પણ કહેવું વહેલુ ગણાશે. તપાસ ચાલુ છે. તમને જણાવી દઈએ કે ગોગી 2022 માં આમ આદમી પાર્ટીમાં જોડાયા હતા. તેમણે પંજાબ વિધાનસભા ચૂંટણી દરમિયાન લુધિયાણાથી બે વખત કોંગ્રેસના પૂર્વ ધારાસભ્ય ભારત ભૂષણ આશુને હરાવ્યા હતા.
આમ આદમી પાર્ટીના ધારાસભ્યના નિધન બાદ તેમના સમર્થકો લુધિયાણાની ડીએમસી હોસ્પિટલની બહાર એકઠા થવા લાગ્યા છે. ઘટનાને ધ્યાનમાં રાખીને, હોસ્પિટલની બહાર ભારે પોલીસ બંદોબસ્ત ગોઠવી દેવામાં આવ્યો છે. હાલમાં પોલીસ આ મામલે કોઈ ખુલીને માહિતી આપી રહી નથી. પોલીસ અધિકારીઓના જણાવ્યા અનુસાર, તેમનું મોત ગોળી વાગવાથી થયું હતું. જોકે, પોલીસ એ જાહેર કરી રહી નથી કે તેને કયા સંજોગોમાં ગોળી વાગી હતી.
આ પણ વાંચો...