Ajit Pawar Plane Crash Live Updates: બારામતી પ્લેન દુર્ઘટનામાં અજિત પવારનું નિધન, મહારાષ્ટ્ર સરકારે જાહેર કર્યું નિવેદન

મહારાષ્ટ્રના બારામતી નજીક NCP નેતા અજિત પવારનું ખાનગી વિમાન ક્રેશ થયું છે.

બ્રેકગ્રાઉન્ડ

મહારાષ્ટ્રના બારામતી નજીક NCP નેતા અજિત પવારનું ખાનગી વિમાન ક્રેશ થયું છે. વિમાન દુર્ઘટનામાં મહારાષ્ટ્રના નાયબ મુખ્યમંત્રી અજિત પવારનું મોત થયું છે. વિમાનમાં સવાર 5 લોકોના મોતની DGCAએ કરી પુષ્ટી કરી હતી. ડીજીસીએ કહ્યું હતું કે વિમાન દુર્ઘટનામાં અજિત પવાર સહિત 5 લોકોના મોત થયા છે. સુપ્રિયા સુલે દિલ્હીથી મહારાષ્ટ્ર માટે રવાના થયા હતા. સુનેત્રા પવાર, પાર્થ પવાર બારામતી જવા રવાના થયા હતા. એવું કહેવામાં આવી રહ્યું છે કે વિમાન લેન્ડિંગનો પ્રયાસ કરતી વખતે ક્રેશ થયું હતું. તેઓ કોઈ કાર્યક્રમ માટે ત્યાં પહોંચી રહ્યા હતા. હજુ સુધી સ્પષ્ટ નથી કે વિમાન ક્રેશ-લેન્ડિંગ થયું હતું કે ટેકનિકલ ખામી સર્જાઈ હતી. મહારાષ્ટ્ર સરકારે અકસ્માત અંગે પોતાનું પહેલું નિવેદન બહાર પાડ્યું. એક નિવેદનમાં સરકારે કહ્યું હતું કે વડાપ્રધાન નરેન્દ્ર મોદી અને કેન્દ્રીય ગૃહ પ્રધાન અમિત શાહ બંનેએ મહારાષ્ટ્રના મુખ્યમંત્રી દેવેન્દ્ર ફડણવીસનો સંપર્ક કર્યો અને બારામતી વિમાન દુર્ઘટના અંગે માહિતી અને અપડેટ્સ મેળવ્યા હતા. 

28/01/2026 14:41:53

Ajit Pawar Plane Crash Live: માયાવતીએ શોક વ્યક્ત કર્યો

બસપાના વડાએ લખ્યું કે મહારાષ્ટ્રના નાયબ મુખ્યમંત્રી અને રાષ્ટ્રવાદી કોંગ્રેસ પાર્ટીના નેતા, મહારાષ્ટ્રના રાજકારણના દિગ્ગજ નેતાઓમાંના એક અજિત પવારનું આજે બારામતીમાં વિમાન દુર્ઘટનામાં મૃત્યુ ખૂબ જ દુઃખદ છે. તેમના પરિવાર અને તેમના પક્ષના સભ્યો પ્રત્યે મારી ઊંડી સંવેદના. ભગવાન તેમને આ ક્ષતિ સહન કરવાની શક્તિ આપે.

28/01/2026 14:41:39

Ajit Pawar Plane Crash Live: મહારાષ્ટ્રના નાયબ મુખ્યમંત્રી એકનાથ શિંદેએ કહ્યું કે ઘટનાની તપાસ કરવામાં આવશે.

મહારાષ્ટ્રના નાયબ મુખ્યમંત્રી એકનાથ શિંદેએ કહ્યું કે આવી ઘટનાઓ ફરીથી ન બને તે માટે ઘટનાની તપાસ કરવામાં આવશે.

28/01/2026 14:41:26

Ajit Pawar Plane Crash Live: મહારાષ્ટ્ર પોલીસનું કહેવું છે કે તેઓ તપાસ પૂર્ણ કરશે

મહારાષ્ટ્ર પોલીસે જણાવ્યું છે કે વિમાન દુર્ઘટનાનું ચોક્કસ કારણ નક્કી કરવા માટે સંપૂર્ણ તપાસ કરવામાં આવશે. તપાસકર્તાઓ ક્રેશ સ્થળ પરના કાટમાળની નજીકથી તપાસ કરશે અને વિમાનની ગતિ અને ટકરાવનું કારણ જાણવા માટે ફોટોગ્રાફ્સ લેશે. ઉડાન સમયે વિમાનની ટેકનિકલ સ્થિતિ અને ઉડાન યોગ્યતા ચકાસવા માટે બ્લેક બોક્સનું વિશ્લેષણ કરવામાં આવશે. અધિકારીઓ ફ્લાઇટ પહેલાના તમામ રેકોર્ડની પણ તપાસ કરશે. પાયલટ્સની અંતિમ વાતચીત અને નિર્ણયોને સમજવા માટે કોકપીટ વોઇસ રેકોર્ડરની સમીક્ષા કરવામાં આવશે, જ્યારે પાયલટ્સ અને એર ટ્રાફિક કંટ્રોલ વચ્ચેના સત્તાવાર વાતચીતની પણ તપાસ કરવામાં આવશે. તપાસ દરમિયાન હવામાનની સ્થિતિ, રનવેની સ્થિતિ અને પવનની દિશા પણ ધ્યાનમાં લેવામાં આવશે.

28/01/2026 14:41:12

Ajit Pawar Plane Crash Live: મુખ્યમંત્રી દેવેન્દ્ર ફડણવીસે શોક વ્યક્ત કર્યો

મુખ્યમંત્રી દેવેન્દ્ર ફડણવીસે કહ્યું કે અજિત પવાર એક જમીન સાથે જોડાયેલા નેતા હતા અને તેમના નિધનથી ખૂબ જ દુઃખ થયું છે. તેમના પરિવારમાં શોકનો માહોલ છે. તેઓ એક મજબૂત અને દિલદાર મિત્ર હતા. આ રાજ્ય માટે પણ મુશ્કેલ દિવસ છે. પ્રધાનમંત્રી અને ગૃહમંત્રીએ પણ અમારી સાથે આ ઘટના અંગે ચર્ચા કરી છે.

28/01/2026 11:34:17

અજિત પવારના નિધન પર રાહુલ ગાંધીએ દુઃખ વ્યક્ત કર્યું

28/01/2026 11:33:36

સપાના વડા અખિલેશ યાદવે દુઃખ વ્યક્ત કર્યું

સપાના વડા અખિલેશ યાદવે કહ્યું હતું કે, "મહારાષ્ટ્રના નાયબ મુખ્યમંત્રી અજિત પવારનું વિમાન દુર્ઘટનામાં અવસાન થયું. ખૂબ જ દુઃખદ! તેમના આત્માને શાંતિ મળે. શોકગ્રસ્ત પરિવાર પ્રત્યે ઊંડી સંવેદના. હૃદયપૂર્વક શ્રદ્ધાંજલિ."

28/01/2026 11:32:36

વડા પ્રધાન મોદીએ અજિત પવારના નિધન પર વ્યક્ત કર્યું દુઃખ

વડા પ્રધાન મોદીએ કહ્યું હતું કે અજિત પવાર એક જનનેતા હતા અને લોકો સાથે તેમનો ઊંડો સંબંધ હતો. તેઓ એક મહેનતુ નેતા તરીકે જાણીતા હતા જે હંમેશા મહારાષ્ટ્રના લોકોની સેવા કરવામાં મોખરે રહેતા હતા. વહીવટી બાબતોની તેમની સમજણ અને ગરીબો અને વંચિતોને સશક્ત બનાવવાનો તેમનો જુસ્સો પ્રશંસનીય હતો. તેમનું અકાળ અવસાન ખૂબ જ આઘાતજનક અને દુ:ખદ છે. તેમના પરિવાર અને અસંખ્ય સમર્થકો પ્રત્યે મારી સંવેદના. ઓમ શાંતિ.

28/01/2026 11:11:53

અજિત પવારનો પરિવાર બારામતી જવા રવાના થયો

28/01/2026 11:11:19

કેન્દ્રિય મંત્રી સીઆર પાટીલે દુઃખ વ્યક્ત

28/01/2026 11:06:09

સંરક્ષણ મંત્રી રાજનાથ સિંહે અજિત પવારના નિધન પર દુઃખ વ્યક્ત કર્યું

28/01/2026 10:37:21

Ajit Pawar Plane Crash: કોંગ્રેસના સાંસદ ઇમરાન પ્રતાપગઢીએ વિમાન દુર્ઘટનાની તપાસની માંગ કરી

મહારાષ્ટ્રના કોંગ્રેસના રાજ્યસભા સાંસદ ઇમરાન પ્રતાપગઢીએ અજિત પવારના મૃત્યુ પર દુઃખ વ્યક્ત કર્યું. સોશિયલ મીડિયા પોસ્ટમાં અકસ્માતની તપાસની માંગ કરતા તેમણે કહ્યું, "વિમાન દુર્ઘટનામાં અજિત પવારના મૃત્યુના સમાચાર ખૂબ જ દુઃખદ છે. ભારત સરકાર દુર્ઘટનાની તપાસ કરાવે જેથી કારણોની જાણ થઈ શકે.

28/01/2026 10:36:28

Ajit Pawar Plane Crash: વિમાનમાં સવાર કોઈ બચી શક્યું નથી: DGCA

નાગરિક ઉડ્ડયન મહાનિર્દેશાલય (DGCA) એ જણાવ્યું હતું કે મહારાષ્ટ્રના નાયબ મુખ્યમંત્રી અજિત પવાર, તેમની સાથે બે અન્ય મુસાફરો અને બે ક્રૂ સભ્યો (PIC+FO) વિમાનમાં હતા. કોઈપણ મુસાફરનો જીવ બચી શક્યો નથી.

28/01/2026 10:21:58

Baramati Plane Crash Live: મહારાષ્ટ્ર સરકારનું પહેલું નિવેદન

મહારાષ્ટ્ર સરકારે અકસ્માત પર પોતાનું પહેલું નિવેદન બહાર પાડ્યું. એક નિવેદનમાં સરકારે કહ્યું કે વડાપ્રધાન નરેન્દ્ર મોદી અને કેન્દ્રીય ગૃહપ્રધાન અમિત શાહ બંનેએ મહારાષ્ટ્રના મુખ્યમંત્રી દેવેન્દ્ર ફડણવીસનો સંપર્ક કર્યો અને બારામતી વિમાન દુર્ઘટના અંગે માહિતી અને અપડેટ્સ મેળવ્યા હતા.