monsoon update today 2026: દેશભરમાં હવામાનનો મિજાજ હાલમાં કંઈક અલગ જ જોવા મળી રહ્યો છે. એક તરફ નોર્થ-ઈસ્ટ (ઉત્તર-પૂર્વ)ના રાજ્યોમાં મેઘરાજા ધબધબાટી બોલાવી રહ્યા છે, તો બીજી તરફ યુપી, દિલ્હી અને મધ્ય ભારતના ઘણા રાજ્યો હજુ પણ કાળઝાળ ગરમી અને બફારાનો સામનો કરી રહ્યા છે. ચોમાસાની ગતિ ધીમી પડતા હવે તેલંગાણા, બિહાર અને ઝારખંડ જેવા રાજ્યોમાં 23 જૂનની આસપાસ ચોમાસું બેસવાની શક્યતા છે. આ દરમિયાન દિલ્હી અને ઉત્તર પ્રદેશમાં લોકોને હીટવેવની સાથે-સાથે છૂટાછવાયા વરસાદની એટલે કે ડબલ ઋતુનો અનુભવ થશે.
ક્યાં પહોંચ્યું અને ક્યાં અટક્યું ચોમાસું?
હવામાન વિભાગ (IMD) ના જણાવ્યા મુજબ, અત્યારે ચોમાસાની લાઇન હરનાઈ, સોલાપુર, હૈદરાબાદથી લઈને રાંચી અને મુઝફ્ફરપુર સુધી પહોંચી છે. પંજાબથી બિહાર સુધી એક વેધર ટ્રફ બની છે અને ઉત્તર પાકિસ્તાન બાજુ વેસ્ટર્ન ડિસ્ટર્બન્સ છે. ઉત્તર-પશ્ચિમ યુપીમાં એક સાયક્લોનિક સર્ક્યુલેશન પણ સર્જાયું છે.
આ બધા કારણોસર ઉત્તર ભારતમાં ચોમાસાને આગળ વધવા માટે જે સાનુકૂળ વાતાવરણ જોઈએ તે હજુ બન્યું નથી. પરિણામે તેલંગાણા, ઓડિશા, ઝારખંડ, બિહાર અને છત્તીસગઢના લોકોએ હજુ વરસાદ માટે થોડી રાહ જોવી પડશે.
વરસાદ અને હીટવેવની આગાહી
હવામાન વિભાગની આગાહી છે કે આગામી 4 થી 5 દિવસમાં સ્થિતિ બદલાઈ શકે છે અને 23 જૂન આસપાસ પૂર્વીય અને મધ્ય રાજ્યોમાં ચોમાસું એન્ટ્રી લઈ શકે છે.
ભારે વરસાદ: ઉત્તર-પૂર્વ ભારત, સિક્કિમ અને પશ્ચિમ બંગાળના કેટલાક ભાગોમાં આ અઠવાડિયે ભારેથી અતિ ભારે વરસાદની આગાહી છે.
હીટવેવ (લૂ) નું એલર્ટ: જ્યાં ચોમાસું હજુ નથી પહોંચ્યું ત્યાં કાળઝાળ ગરમી ચાલુ રહેશે. મધ્યપ્રદેશમાં 21 જૂન સુધી, વિદર્ભમાં 20 જૂન સુધી, તેલંગાણામાં 19 જૂન સુધી અને છત્તીસગઢમાં 17 જૂન સુધી ગરમીની ચેતવણી જારી કરવામાં આવી છે.
આ પણ વાંચોઃ ગુજરાતમાં આજે 12 જિલ્લામાં ગાજવીજ સાથે વરસાદની આગાહી, જાણો ચોમાસું ક્યારે બેસશે?
દિલ્હીવાસીઓને ગરમીમાંથી મળશે રાહત
દિલ્હીમાં ભલે હજુ ચોમાસું નથી પહોંચ્યું, પણ આગામી દિવસોમાં લોકોને ગરમીમાંથી ચોક્કસ રાહત મળશે.
17-18 જૂન: વાદળછાયું વાતાવરણ રહેશે અને 30 થી 40 કિમી પ્રતિ કલાકની ઝડપે પવન ફૂંકાવા સાથે હળવો વરસાદ પડી શકે છે. તાપમાન 37 થી 39 ડિગ્રી રહેશે.
19-20 જૂન: 19 જૂને ગાજવીજ સાથે વરસાદની શક્યતા છે. જ્યારે 20 જૂને બપોર કે સાંજ પછી 40 થી 60 કિમી પ્રતિ કલાકની સ્પીડે જોરદાર પવન ફૂંકાવા સાથે ભારે વરસાદની આગાહી છે.
ઉત્તર પ્રદેશમાં ડબલ એલર્ટ
યુપીના લોકોને હજુ કાળઝાળ ગરમી અને બફારો સહન કરવો પડશે.
પશ્ચિમ યુપી: 17 થી 19 જૂન અને 23 જૂને કેટલાક વિસ્તારોમાં છૂટોછવાયો વરસાદ પડી શકે છે. પરંતુ 19 થી 22 જૂન સુધી હીટવેવનો પ્રકોપ પણ જોવા મળશે.
પૂર્વ યુપી: અહીં 17 થી 19 અને 22-23 જૂને હળવો વરસાદ થવાની ધારણા છે. જ્યારે 17 થી 22 જૂન સળંગ હીટવેવ (લૂ) ની ચેતવણી આપવામાં આવી છે. ચોમાસાના વિલંબને કારણે ગરમી અને ભેજ લોકોને હેરાન કરશે.
આ પણ વાંચોઃ ચોમાસાની ધીમી ચાલથી ખેડૂતોની ચિંતા વધી: જૂનમાં 35% ઓછો વરસાદ, જાણો ક્યારે મળશે મોટી રાહત