મુંબઈની લાઈફ લાઈન ગણાતી લોકલ ટ્રેન ફરીથી પૂરી ક્ષમતા સાથે શરૂ કરવા માટે હાલમાં રાજ્ય સરકાર, રેલવે અને બીએમસીના અધિકારીઓની બેઠક મળી હતી. આ મીટિંગની અધ્યક્ષતા રાજ્યના મુખ્યમંત્રી ઉદ્ધવ ઠાકરેએ કરી હતી.
આ બેઠક બાદ મુખ્યમંત્રી ઉદ્ધવ ઠાકરેએ કહ્યું હતું કે, તમામ પ્રવાસીઓને ઉપનગરીય ટ્રેનમાં પ્રવાસ કરવાની મંજૂરી આપવાનો નિર્ણય ટૂંકમાં જ કરવામાં આવશે. જણાવીએ કે હાલમાં કોરોના મહામારીને કારણે માત્ર કેટલાક ક્લાસના પ્રવાસીઓને જ મુંબઈમાં લોકલ ટ્રેનમાં પ્રવાસ કરવાની મંજૂરી છે જેમાં મહિલાઓ અને જરૂરી સેવાઓ સાથે જોડાયેલ લોકો સામેલ છે.