ગોવાઃ ગોવામાં નૌસેનાનું ફાઇટર પ્લેન મિગ-29K દુર્ઘટનાગ્રસ્ત થયું છે. જાણકારોના મતે ટ્રેનિગ મિશન માટે રવાના થયાના થોડા જ સમય બાદ મિગ-29K ફાઇટર પ્લેન ગોવામાં દુર્ઘટનાગ્રસ્ત થયું હતું. બંન્ને પાયલટ સુરક્ષિત બહાર નીકળવામાં  સફળ રહ્યા હતા. નૌસેનાના પ્રવક્તા  કમાન્ડર વિવેક મધવાલે કહ્યું કે, મિગ-29K ટ્રેનર વિમાનના  એન્જિનમાં આગ લાગી ગઇ હતી. પાયલટ  કેપ્ટન એમ શોકખંડ અને લેફ્ટિનન્ટ કમાન્ડર દીપક યાદવ સુરક્ષિત  બહાર નીકળવામાં સફળ રહ્યા હતા. મધવાલે કહ્યું કે, મિગ 29 ટ્રેનર વિમાન અશોરથી  ઉડાણ ભરી હતી. આ વચ્ચે પક્ષી ટકરાવાના કારણે એન્જિનમાં આગ લાગી ગઇ હતી. આ દુર્ઘટનામાં કોઇનું  મોત થયાના સમાચાર નથી. નોંધનીય છે કે સપ્ટેમ્બરમાં જ રાજસ્થાનના બીકાનેરમાં એરફોર્સનું  મિગ-21 વિમાન ક્રેશ થયું હતું. ફાઇટર પ્લેનમાંથી બંન્ને પાયલટ સુરક્ષિત નીકળવામાં સફળ રહ્યા હતા.