Nita Ambani Performance: શુક્રવારે રાત્રે મુંબઈ શહેર 'નીતા મુકેશ અંબાણી કલ્ચરલ સેન્ટર' (NMACC) ના ભવ્ય લોન્ચ ઈવેન્ટમાં વિશ્વભરના સેલેબ્સ અને સેલિબ્રિટીઓના આગમનથી ઝગમગી ઉઠ્યું હતું. સમગ્ર અંબાણી "ખાનદાન"થી લઈને શાહરૂખ ખાન, સલમાન ખાન, દીપિકા પાદુકોણ, રણવીર સિંહ, પ્રિયંકા ચોપરા, નિક જોનાસ અને ગીગી હદીદ જેવા એ-લિસ્ટર્સ સુધી, ઘણા એ-લિસ્ટર્સે આ કાર્યક્રમમાં હાજરી આપી હતી.
તે જ સમયે લોન્ચ ઇવેન્ટનો નીતા અંબાણીનો એક વીડિયો વાયરલ થઈ રહ્યો છે. આ વીડિયોમાં નીતા NMACCની ઈવેન્ટ દરમિયાન ડાન્સ પરફોર્મન્સ આપતી જોવા મળે છે. NMACC ઈન્ડિયાના ઓફિશિયલ પેજ દ્વારા ઈન્સ્ટાગ્રામ પર વીડિયો શેર કરવામાં આવ્યો છે.
નીતા અંબાણીએ રઘુપતિ રાઘવ રાજારામ ભજન પર ડાન્સ કર્યો હતો
વાયરલ થઈ રહેલા વીડિયોમાં નીતા લાલ લહેંગા અને એમ્બ્રોઈડરી કરેલી ચોલી પહેરેલી જોવા મળે છે. તેણે એક્સેસરીઝ માટે હેવી જ્વેલરી પણ પહેરી હતી. આ દરમિયાન નીતાએ સ્ટેજ પર ગ્રેસ સાથે શ્રેયા ઘોસાલના વર્ઝન રઘુપતિ રાઘવ રાજારામ ભજન પર ભરતનાટ્યમ ડાન્સ પરફોર્મન્સ આપ્યું હતું. તેનો ડાન્સ જોઈ દરેક લોકો દંગ રહી જાય છે.
6 વર્ષની ઉંમરથી જ નીતા કરી રહી છે ભરતનાટ્યમ
નીતાએ 6 વર્ષની ઉંમરે ભરતનાટ્યમ કરવાનું શરૂ કર્યું હતું. વીડિયોના કેપ્શનમાં લખ્યું છે કે, "6 વર્ષની ઉંમરે તેની ભરતનાટ્યમની સફર શરૂ કરીને, નીતા એમ અંબાણીએ હંમેશા નૃત્યાંગનાનું હૃદય રાખ્યું છે.
NMACC એ નીતા અંબાણીની ડ્રીમ પ્રોજેક્ટ
નીતા મુકેશ અંબાણી કલ્ચરલ સેન્ટર અથવા NMACC મુંબઈમાં બાંદ્રા-કુર્લા કોમ્પ્લેક્સમાં જિયો વર્લ્ડ સેન્ટરની અંદર સ્થિત છે. આ નીતા અંબાણીનો ડ્રીમ પ્રોજેક્ટ છે, આ સાથે તેમનો ઉદ્દેશ્ય ભારતીય કલાના સ્વરૂપોને બચાવવા અને પ્રોત્સાહન આપવાનો છે.