Nitish Kumar Oath Ceremony: નીતિશ કુમારે મુખ્યમંત્રી પદના લીધા શપથ, 26 મંત્રીએ પણ લીધા શપથ

Nitish Kumar Swearing-In Ceremony LIVE Updates: વડાપ્રધાનની હાજરીને ધ્યાનમાં રાખીને અભૂતપૂર્વ સુરક્ષા વ્યવસ્થા કરવામાં આવી છે

gujarati.abplive.comLast Updated: 20 Nov 2025 12:41 PM

બ્રેકગ્રાઉન્ડ

Nitish Kumar Swearing-In Ceremony LIVE Updates:ગુરુવારે 10મી વખત બિહારના મુખ્યમંત્રી તરીકે નીતીશ કુમાર શપથ લેશે. બુધવારે NDA ગઠબંધનના સર્વસંમત નેતા તરીકે ચૂંટાયા બાદ નીતીશ કુમાર રાજ્યપાલ આરિફ મોહમ્મદ ખાનને પોતાનું રાજીનામું સુપરત કર્યું અને નવી સરકાર બનાવવાનો દાવો રજૂ કર્યો હતો. નવી સરકારની રચના માટેની તૈયારીઓ લગભગ પૂર્ણ થઈ ગઈ છે. શપથ ગ્રહણ સમારોહ આજે ગાંધી મેદાનમાં યોજાવાનો છે. સૂત્રોના જણાવ્યા અનુસાર, 20 નવેમ્બરે મુખ્યમંત્રી નીતિશ કુમાર સાથે 20 મંત્રીઓ શપથ ગ્રહણ કરે તેવી અપેક્ષા છે. આ સમારોહમાં પીએમ મોદી સહિત અનેક અગ્રણી નેતાઓ હાજર રહેશે.વડા પ્રધાન નરેન્દ્ર મોદી ગુરુવારે બિહારના રાજકીય ઇતિહાસમાં એક નવો અધ્યાય ઉમેરશે. ગાંધી મેદાનમાં મુખ્યમંત્રીના શપથ ગ્રહણ સમારોહમાં હાજરી આપનારા તેઓ પ્રથમ વડાપ્રધાન બનશે.વડાપ્રધાનની હાજરીને ધ્યાનમાં રાખીને અભૂતપૂર્વ સુરક્ષા વ્યવસ્થા કરવામાં આવી છે. સ્પેશિયલ પ્રોટેક્શન ગ્રુપ (SPG), નેશનલ સિક્યુરિટી ગાર્ડ (NSG) અને બિહાર પોલીસની સંયુક્ત ટીમોએ મેદાન અને આસપાસના વિસ્તારોમાં વિસ્તૃત સુરક્ષા વ્યવસ્થા ગોઠવી છે. સ્થળ પર એક લાખથી વધુ લોકો માટે બેસવાની વ્યવસ્થા કરવામાં આવી છે.બિહારમાં નવી સરકારનો શપથ ગ્રહણ સમારોહ આજે, ગુરુવારે યોજાવાનો છે. મુખ્યમંત્રીના ચહેરા પરનો સસ્પેન્સ દૂર થયો છે. નીતિશ કુમાર બિહારના આગામી મુખ્યમંત્રી બનશે. તેઓ 10મી વખત શપથ લેશે. તેમના શપથ ગ્રહણ સાથે તેઓ બિહારના 19મા મુખ્યમંત્રી બનશે. શપથ ગ્રહણ સમારોહ સવારે 11:30 વાગ્યે પટનાના ગાંધી મેદાનમાં થશે. બંને નાયબ મુખ્યમંત્રીઓ પણ શપથ લેશે. બુધવારે પટનામાં ત્રણ મોટી બેઠકો યોજાઈ હતી. પહેલી બેઠક મુખ્યમંત્રી ગૃહમાં થઈ હતી. નીતિશ કુમારને મુખ્યમંત્રી નિવાસસ્થાને JDU વિધાનસભા પક્ષના નેતા તરીકે સર્વાનુમતે ચૂંટવામાં આવ્યા હતા.પીએમ મોદી સહિત ઘણા નેતાઓ હાજર રહેશે.પટનાના ગાંધી મેદાનમાં એક હેલિપેડ બનાવવામાં આવ્યું છે. શપથ ગ્રહણ સમારોહમાં વડાપ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ, રસાયણ અને ખાતર પ્રધાન જેપી નડ્ડા, સંરક્ષણ પ્રધાન રાજનાથ સિંહ, કેન્દ્રીય કૃષિ પ્રધાન શિવરાજ સિંહ ચૌહાણ, યુપીના મુખ્યમંત્રી યોગી આદિત્યનાથ, મધ્ય પ્રદેશના મુખ્યમંત્રી મોહન યાદવ, ઓડિશાના મુખ્યમંત્રી મોહન ચરણ માંઝી, રાજસ્થાનના મુખ્યમંત્રી ભજન લાલ શર્મા, ગોવાના મુખ્યમંત્રી પ્રમોદ સાવંત, મહારાષ્ટ્રના મુખ્યમંત્રી દેવેન્દ્ર ફડણવીસ, દિલ્હીના મુખ્યમંત્રી રેખા ગુપ્તા, આસામના મુખ્યમંત્રી હિમંતા બિસ્વા સરમા, ઉત્તરાખંડના મુખ્યમંત્રી પુષ્કર સિંહ ધામી, આંધ્ર પ્રદેશના મુખ્યમંત્રી ચંદ્રબાબુ નાયડુ, ત્રિપુરાના મુખ્યમંત્રી માણિક સાહા અને અન્ય ઘણા મહાનુભાવો હાજરી આપશે.

20/11/2025 12:41:31

Bihar CM Oath Ceremony Live: વિજય ચૌધરી, મંગલ પાંડે, દિલીપ જયસ્વાલ શપથ લીધા

વિજય કુમાર ચૌધરી, વિજેન્દ્ર પ્રસાદ યાદવ, શ્રવણ કુમાર, ડૉ. દિલીપ જયસ્વાલ અને મંગલ પાંડેએ એક સાથે મંત્રી તરીકે શપથ લીધા.