મંદિર પ્રશાસક સુજાન સિંહ રાવતે જણાવ્યુ કે, દેશમાં કોરોના દર્દીઓની સંખ્યા વધી રહી છે. આવામાં દેશના અન્ય શહેરોમાંથી આવનારા ભક્તોને મંદિરમાં પ્રવેશ પ્રતબિંધિત કરી દેવામાં આવ્યો છે. શ્રાવણ માસમાં સવારે 5.30થી રાત્રે 9 વાગ્યા સુધી અલગ અલગ સમય પર ભક્તોને ભગવાન મહાકાલના દર્શન કરાવવામાં આવી રહ્યાં છે.
મંદિરમાં પ્રતિદિન 8 થી 10 હજાર ભક્તોને પ્રવેશ મળી રહ્યો છે. આ માટે તેમને એડવાન્સ બુકિંગ કરાવવુ અનિવાર્ય છે. જે ભક્તો બુકિંગ વિના મંદિર પહોંચી રહ્યાં છે, તેમને 250 રૂપિયા તાત્કાલિક દર્શન ટિકીટ પર સીધા પ્રવેશની વ્યવસ્થા લાગુ કરવામાં આવી છે. પ્રશાંસકે જણાવ્યુ કે એડવાન્સ બુકિંગ અને તાત્કાલિક દર્શન ટિકીટ ખરીદવા માટે ઓળખપત્ર અનિવાર્યા છે.