Parliament Session 2024: મંગળવારના રોજ પણ રાજ્યસભામાં રાષ્ટ્રપતિના અભિભાષણ પર આભાર પ્રસ્તાવ પર ચર્ચા ચાલુ રહી હતી. આ દરમિયાન DMKના સાંસદ ડૉ. કનિમોઝી સહિત ઘણા સાંસદોએ ગૃહમાં પોતપોતાના પક્ષોનો પક્ષ રજૂ કર્યો હતો. તેમણે કેન્દ્ર સરકાર પર આકરા પ્રહારો પણ કર્યા અને આ વખતે ભાજપના 400 પારના નારા પર કટાક્ષ પણ કર્યા.
રાજ્યસભાના સાંસદ ડૉ. કનિમોઝીએ ભાજપ સરકાર પર આકરા પ્રહારો કર્યા. તેમણે કહ્યું કે ભાજપનું સૂત્ર 'અબ કી બાર 400 પાર' એ 'અબ કી બાર ચોકો બાર' બની ગયું છે.
રાજ્યસભાના સાંસદ ડો.કનિમોઝીએ મોદી સરકાર પર આકરા પ્રહારો કરતાં કહ્યું હતું
DMKના રાજ્યસભા સાંસદ ડૉ. કનિમોઝી એનવીએન સોમુએ ગૃહમાં ઘણા મુદ્દાઓનો ઉલ્લેખ કર્યો હતો. જેમાં તેમણે કહ્યું કે, "ભાજપે લોકસભાની ચૂંટણી પહેલા સૂત્ર આપ્યું હતું, 'અબ કી બાર 400 પાર', પરંતુ તે સૂત્ર 'અબ કી બાર ચોકો બાર' નીકળ્યું, તેમણે વધુમાં કહ્યું કે, ભાજપે ત્યાં સુધી તેનો આનંદ માણવો જોઈએ જ્યાં સુધી આનો અંત ન આવે.
વિરોધ પક્ષોએ સરકારને ઘેરી હતી
DMK સાંસદ ડો. કનિમોઝીએ પેપર લીક અંગે પણ વાત કરી અને કહ્યું કે આના કારણે દેશમાં રક્તપાત થઈ રહ્યો છે. રાજ્યસભામાં ઘણા વિપક્ષી દળોએ સરકારને ઘેરી હતી, દેશની વિવિધ પરીક્ષાઓમાં પ્રશ્નપત્ર લીકના વધતા જતા કેસ, રાજ્યો સાથે ભેદભાવ અને વિપક્ષી નેતાઓને હેરાન કરવા માટે કેન્દ્રીય એજન્સીઓનો ઉપયોગ કરવાનો આવા આરોપ સરકાર પર લાગ્યા હતા. વિપક્ષી પાર્ટીઓએ દાવો કર્યો હતો કે દેશને ઘમંડથી ચલાવી શકાય નહીં.
ટીએમસી સાંસદે પણ મીડિયા પર સવાલો ઉઠાવ્યા હતા
તૃણમૂલ કોંગ્રેસના સભ્યએ કહ્યું કે લોકશાહીમાં વિપક્ષની મજબૂત ભૂમિકા છે, પરંતુ વિપક્ષ અને મીડિયાને 'ટુકડે ટુકડે ગેંગ, ખાન માર્કેટ ગેંગ અને લુટિયન્સ ગેંગ' કહીને બદનામ કરવામાં આવી રહ્યા છે. આમ વિપક્ષે સરકાર પર આરોપો લગવ્યા હતા.