તેમણે કહ્યું કે, પૂર્વોત્તર રાજ્યોની સંસ્કૃતિ પર તેમને ગર્વ છે. સીએએના કારણે પૂર્વોત્તરના કોઇ બંધારણીય વ્યવસ્થા પર કોઇ અસર થશે નહીં. પાકિસ્તાનમાં લઘુમતિઓ પર જે અત્યાચાર થઇ રહ્યા છે તેનો પર્દાફાશ સીએએના કારણે થઇ શક્યો છે. યુવાઓને પાકિસ્તાનનું આ સત્ય સામે લાવવામાં મહત્વની ભૂમિકા નિભાવી છે. દુનિયાભરમાં પાકિસ્તાનના જુલ્મ સામે ભારતીય યુવા અવાજ ઉઠાવી રહ્યો છે.
વડાપ્રધાને કહ્યું કે, આટલી સ્પષ્ટતા છતાં કેટલાક લોકો સીએએને લઇને લોકોમાં ભ્રમ ફેલાવી રહ્યા છે. મને ખુશી છે કે આજનો યુવા આવા લોકોના ભ્રમથી દૂર રહ્યો છે. તમારા જેવા યુવાઓ સીએએની વાતને સમજી ગયા છો પરંતુ રાજનીતિનો ખેલ ખેલનારા આ વાતને સમજવા માંગતા નથી. હું લોકોને આશ્વાસન આપું છું કે આ કાયદો લોકોને નાગરિકતા આપવા માટે બનાવવામાં આવ્યો છે કોઇની નાગરિકતા છીનવવા માટે નહીં. આ કાયદો રાતોરાત બન્યો નથી પરંતુ આ કાયદામાં સંસદ મારફતે ફક્ત એક સંશોધન કરવામાં આવ્યું છે. પાકિસ્તાનમાં ધર્મના આધાર પર ઉત્પીદન લોકોને ભારતની નાગરિકતા મળે તેવું મહાત્મા ગાંધી ઇચ્છતા હતા.
પીએમ મોદી શનિવારે મોડી સાંજે રામકૃષ્ણ મિશનના મુખ્ય મથક બેલુર મઠ પહોંચ્યા હતા. પ્રાપ્ત જાણકારી મુજબ તેઓએ રાત્રિ વિશ્રામ પણ અહીં જ કર્યું હતું.
પીએમ મોદીએ શનિવારે હાવડા બ્રિજ પર લાઈટ એન્ડ સાઉન્ડ શો કે બાદ હોડીમાં બેસીને બેલુર મઠ પહોંચ્યા અને અહીં સંતો સાથે મુલાકાત કરી હતી. આ સિવાય તેઓએ પશ્ચિમ બંગાળના સીએમ મમતા બેનર્જી સાથે પણ મુલાકાત કરી હતી.