Pakistan Terrorist Planned Pulwama : 14 ફેબ્રુઆરી, 2019 એ દિવસ હતો જ્યારે જમ્મુ અને કાશ્મીરના પુલવામામાં આતંકવાદી હુમલો થયો હતો. આ ભિષણ હુમલામાં 40 CRPF જવાનો શહીદ થયા હતા. પુલવામા હુમલાએ સમગ્ર દેશને હચમચાવી દીધો હતો. પુલવામા હુમલાના માત્ર ભારત જ નહીં પણ દુનિયાભરમાં ઘેરા પ્રત્યાઘાત પડ્યા હતાં. ભારતીય વાયુસેનાએ આ હુમલાના જવાબમાં પાકિસ્તાનમાં 90 કિલોમીટર ઘુસીને બાલાકોટમાં એરસ્ટ્રાઈક કરી હતી. આ મામલે રિટાયર્ડ લેફ્ટનન્ટ જનરલ કંવલ જીત સિંહ ધિલ્લોને તેમના પુસ્તક 'કિતને ગાઝી આયે કિતને ગાઝી ગયે'માં આ હુમલા અંગે મોટો ખુલાસો કર્યો છે.
રિટાયર્ડ લેફ્ટનન્ટ જનરલ કંવલ જીત સિંહ ધિલ્લોને પોતાના પુસ્તકમાં સનસની ખુલાસો કરતા કહ્યું હતું કે, પુલવામા હુમલાના માત્ર 10 દિવસ બાદ જ આતંકીઓ બીજો મોટો હુમલો કરવાની યોજના બનાવી રહ્યા હતા. જો કે સુરક્ષા દળોએ આ આતંકવાદી ષડયંત્રને નિષ્ફળ બનાવ્યું હતું.
પુલવામા હુમલાના 10 દિવસ બાદ મોટો હુમલો થવાનો હતો
જનરલ ધિલ્લોને પોતાના પુસ્તકમાં લખ્યું છે કે, ઘણા લોકોને ખબર નથી કે આતંકીઓએ આત્મઘાતી હુમલાની યોજના બનાવી હતી. હુમલાનું આયોજન ફેબ્રુઆરી 2019માં કરવામાં આવ્યું હતું. આ હુમલાખોરોએ વિસ્ફોટને અંજામ આપવા માટે વિડિયો પ્રદર્શન, વિસ્ફોટકો અને અન્ય શસ્ત્રો બનાવ્યા હતા. જ્યારે 14 ફેબ્રુઆરીએ પુલવામામાં મોટો આતંકવાદી હુમલો થયો ત્યારે સુરક્ષા દળોને વધુ એલર્ટ કરવામાં આવ્યા હતા. દરમિયાન એજન્સીઓને ખીણના તુરીગામમાં એક આતંકી મોડ્યુલની જાણકારી મળી હતી. જમ્મુ-કાશ્મીર પોલીસની સાથે અન્ય એજન્સીઓને પણ આ અંગે માહિતી મળી હતી.
સુરક્ષા દળોએ ષડયંત્રને નિષ્ફળ બનાવ્યું
જનરલ ધિલ્લોન લખે છે કે, ગુપ્તચર એજન્સીઓ પાસેથી મળેલી માહિતીના આધારે સુરક્ષા દળોએ તત્પરતાથી કામ કરીને હુમલા પહેલા જ એન્કાઉન્ટરમાં આતંકીઓને ઠાર કર્યા હતા. આ ઓપરેશનમાં બે પાકિસ્તાની સહિત ત્રણ આતંકવાદીઓ માર્યા ગયા હતા. આ રીતે સુરક્ષા દળોએ પુલવામા જેવા હુમલાને નિષ્ફળ બનાવ્યો.
ઉલ્લેખનીય છે કે, લેફ્ટનન્ટ જનરલ કેજેએસ ટીની ધિલ્લોનનું પુસ્તક "કિતને ગાઝી આયે કિતને ગાઝી ગયે" શનિવારે રાજસ્થાન પોલીસ એકેડમી ઓડિટોરિયમમાં વિમોચન કરવામાં આવ્યું હતું. જનરલ ધિલ્લોને આ પુસ્તકમાં ઘણા મોટા ખુલાસા કર્યા છે.
Pulwama Attack: આજના દિવસે જ થયો હતો પુલવામા હુમલો, પછી ભારતે પાકિસ્તાનને આ રીતે પાઠ ભણાવ્યો હતો
આજથી ચાર વર્ષ પહેલા 14 ફેબ્રુઆરીએ જમ્મુ-કાશ્મીરના પુલવામામાં આતંકી હુમલો થયો હતો. આ હુમલો ભારતમાં મોટા આતંકવાદી હુમલાઓમાંનો એક હતો. આ હુમલામાં ભારતના 40 જવાનો શહીદ થયા હતા. જો કે, આ હુમલા બાદ ભારતે જે રીતે પાકિસ્તાનને પાઠ ભણાવ્યો તે પહેલા ક્યારેય થયો નથી. ભારતે આકરા પગલા લઈને પુલવામા હુમલાનો બદલો લીધો. આપણા બહાદુર જવાનોએ બાલાકોટ સર્જિકલ સ્ટ્રાઈકના રૂપમાં આ હુમલાનો જવાબ આપ્યો.
ભારતે પાકિસ્તાનની અંદર ઘૂસીને તેના આતંકવાદી ઠેકાણાઓને નષ્ટ કર્યા. આજે, આ ખાસ અવસર પર, ચાલો જાણીએ કે 14 ફેબ્રુઆરી, 2019 ના રોજ શું થયું અને તે હુમલા પછી શું થયું.