Rahul Gandhi In US: કોંગ્રેસ સાંસદ રાહુલ ગાંધી ત્રણ દિવસીય અમેરિકાના પ્રવાસે છે. તેમણે વર્જિનિયાના હર્નડનમાં ઈન્ડિયન ઓવરસીઝ કોંગ્રેસ સાથે જોડાયેલા લોકોને સંબોધિત કર્યા હતા. સંબોધન દરમિયાન તેમણે ભાજપ અને આરએસએસ પર નિશાન સાધ્યું હતું.
તેમણે કહ્યું, "ભાજપ એ નથી સમજતું કે આ દેશ દરેકનો છે. ભારત એક સંઘ છે. તે બંધારણમાં સ્પષ્ટ રીતે લખેલું છે. ભારત એક સંઘ રાજ્ય છે, ઇતિહાસ, પરંપરા સંગીત અને નૃત્ય છે. તેઓ (ભાજપ) કહે છે કે આ એક સંઘ નથી, આ અલગ છે.
RSS ભારતને સમજી શકતું નથી: રાહુલ ગાંધી
કોંગ્રેસ સાંસદે પણ આરએસએસ પર તેમની પ્રતિક્રિયા શેર કરી હતી. તેમણે કહ્યું કે આરએસએસ કહે છે કે કેટલાક રાજ્યો અન્ય કરતા નીચા છે. કેટલીક ભાષાઓ અન્ય ભાષાઓ કરતાં નબળી છે, કેટલાક ધર્મો અન્ય ધર્મો કરતાં ઓછા મહત્વના છે અને કેટલાક સમુદાયો અન્ય સમુદાયો કરતાં ઉંચા છે. દરેક રાજ્યનો પોતાનો ઇતિહાસ અને પરંપરા હોય છે. આરએસએસની વિચારધારા છે કે તમિલ, મરાઠી, બંગાળી, મણિપુરી, આ નબળી ભાષાઓ છે. આ બાબતને લઈને ઝઘડો છે. આ લોકો (RSS) ભારતને સમજી શકતા નથી.
રાહુલ ગાંધીએ પીએમ મોદી પર પણ નિશાન સાધ્યું હતું
પીએમ મોદી પર નિશાન સાધતા કોંગ્રેસ સાંસદે કહ્યું કે લોકસભા ચૂંટણી બાદ કંઈક બદલાયું છે. કેટલાક લોકોએ મને કહ્યું છે કે 'ચૂંટણી પછી મને હવે ડર નથી લાગતો, હવે ડર દૂર થઈ ગયો છે.' મારા માટે રસપ્રદ છે કે ભાજપ અને વડા પ્રધાન મોદીએ નાના ઉદ્યોગો પર એજન્સીઓ દ્વારા એટલો ડર અને દબાણ ફેલાવ્યું, બધું જ સેકન્ડમાં ગાયબ થઈ ગયું. આ ડર ફેલાવવામાં તેમને વર્ષો લાગ્યા અને તે થોડીક સેકંડમાં ગાયબ થઈ ગયો.
રાહુલ ગાંધીએ કહ્યું કે સંસદમાં હું વડાપ્રધાનને રૂબરૂ જોઉં છું અને હું તમને કહી શકું છું કે મોદીનો વિચાર, 56 ઇંચની છાતી, ભગવાન સાથે સીધો સંબંધ, આ બધું હવે સમાપ્ત થઈ ગયું છે આ હવે ઇતિહાસ છે.