રેલવે બોર્ડના અધ્યક્ષ વીકે યાદવે શુક્રવારે એક પત્રકાર પરિષદમાં કહ્યું કે, દેશમાં પહેલાની જેમ સામાન્ય ટ્રેન સેવાઓ શરું થાય તેવી સ્થિતિ ક્યારે થશે, તેને લઈને કોઈ નિશ્ચિત તારીખ કહેવું સંભવ નથી. તેમણે કહ્યું કે, રેલવે અધિકારીઓ તેને લઈને રાજ્ય સરકારોના સંપર્કમાં છે. જેમ જેમ તેઓ આગળ વધશે, ટ્રેનોનું સંચાલન પણ વધશે.
યાદવે કહ્યું કે, ગત વર્ષની તુલનામાં આ વર્ષે અત્યાર સુધી મુસાફરોથી થતી આવકમાં 87 ટકા ઘટાડો આવ્યો છે. તેમણે કહ્યું કે, સ્થિતિ હજુ પણ સામાન્ય નથી થઈ, હાલમાં ટ્રેનો ચાલી રહી છે, તેમાં સરેરાશ 30 થી 40 ટકા જ સીટો ભરેલી હોય છે. જે દર્શાવે છે કે, મહામારીનો ભય હજુ પણ છે. યાદવે કહ્યું કે, રેલવે હાલમાં 1089 વિશેષ ટ્રેનો દોડાવી રહી છે.