રઝિયાએ લોકડાઉનમાં બહાર નીકળવા માટે પોલીસની પરવાનગી લીધી હતી. નેલ્લોર પહોંચવા સુધી તેણે રસ્તામાં ઘણી વાર રોકાવુ પડ્યુ હતું. આ દરમિયાન તેણે સ્થાનિક અધિકારીઓને મનાવતા નેલ્લોર સુધીની યાત્રા કરી હતી.
તેણે કહ્યું હતું કે, આ તેના માટે સરળ ન હતું. હકીકતમાં રઝિયાનો દિકરો નિઝામુદ્દીન હૈદરાબાદમાં એક કોચિંગ સેન્ટરમાં અભ્યાસ કરે છે. તે ઈંટરમીડેટનો વિદ્યાર્થી છે. ગત મહિને નિઝામુદ્દીન નેલ્લોરમાં રહેતા એક મિત્ર સાથે પોતાના ઘરે બોઘાન આવ્યો હતો.
આ દરમિયાન નિઝામુદ્દીનના મિત્રને ખબર મળી કે તેના પિતાની તબિયત સારી નથી. જાણકારી મળતાં જ 12 માર્ચે નિઝામુદ્દીન પોતાના મિત્ર સાથે નેલ્લોર જવા રવાના થઈ ગયો હતો. આ વચ્ચે કોરોના મહામારીના કારણે લોકડાઉન લાગુ થઈ ગયા બાદ તે ઘરે પરત આવી શક્યો નહતો. નેલ્લોરથી દિકરો પરત ન આવતાં રઝિયાએ બોઘાનના એસીપીનો સંપર્ક સાધ્યો હતો અને તેમને સમગ્ર ઘટના જણાવી હતી.
પોલીસ પાસેથી મંજૂરીનો પત્ર લઈને રઝિયાએ પોતાની સ્કૂટી પર જ નેલ્લોર જવાનો નિર્ણય લીધો હતો. તે 7 એપ્રિલે નેલ્લોર પહોંચી ગઈ હતી. નિઝામુદ્દીનને સાથે લઇને તે ત્યાંથી તરત જ નીકળી ગઇને 8 એપ્રિલે બોઘાન પરત આવી ગઇ હતી. આ દરમિયાન રઝિયાએ સ્કૂટી દ્વારા આશરે 1400 કિમીનું અંતર કાપ્યુ હતું. રઝિયાએ જણાવ્યું કે નેલ્લોર જવા દરમિયાન તેણે જંગલના રસ્તાનો પણ ઉપયોગ કર્યો.આમ કરતાં તેને કોઇ ભય ન લાગ્યો. તેણે કહ્યું કે તેના મનમાં ફક્ત એક જ વિચાર હતો કે તેણે તેના દિકરાને પરત લાવવાનો છે.