Reasi Terror Attack Latest News: શિવ ખોરીથી આવતી બસ પર હુમલા બાદ ભારતીય સેનાએ સોમવારે (10 જૂન 2024) સવારે જમ્મુ અને કાશ્મીરના રિયાસીમાં સર્ચ ઓપરેશન શરૂ કર્યું હતું. સ્ટેટ ડિઝાસ્ટર રિસ્પૉન્સ ફૉર્સ (SDRF) પણ રિયાસી પહોંચી ગયું છે અને ઘટના સ્થળની આસપાસના ગાઢ જંગલોમાં સર્ચ ઓપરેશનમાં ડ્રૉનનો પણ ઉપયોગ કરવામાં આવી રહ્યો છે. તમને જણાવી દઈએ કે રવિવારે સાંજે થયેલા આ હુમલામાં 10 શ્રદ્ધાળુઓના મોત થયા હતા.
રિયાસી જિલ્લા કમિશ્નર વિશેષ મહાજને રવિવારે (9 જૂન 2024) રાત્રે પુષ્ટિ કરી કે આતંકવાદી હુમલામાં ઓછામાં ઓછા 10 લોકો માર્યા ગયા છે, જ્યારે 33 લોકો ઘાયલ થયા છે. અધિકારીઓના જણાવ્યા અનુસાર એક બસ શિવ ખોરી તીર્થસ્થળથી કટરા જઈ રહી હતી. સાંજે લગભગ 06:10 વાગ્યે, જ્યારે બસ રાજૌરી જિલ્લાની સરહદે આવેલા રિયાસી જિલ્લાના પૌની વિસ્તારમાં પહોંચી ત્યારે તેને આતંકવાદીઓએ નિશાન બનાવી હતી.
અચાનક થયું ફાયરિંગ, ડ્રાઇવરે ગુમાવ્યુ નિયંત્રણ
રિયાસીના વરિષ્ઠ પોલીસ અધિક્ષક (એસએસપી) મોહિતા શર્માએ ન્યૂઝ એજન્સી ANIને જણાવ્યું કે, આતંકવાદીઓએ અચાનક ગોળીબાર શરૂ કરી દીધો, જેના કારણે બસના ડ્રાઈવરે કાબૂ ગુમાવ્યો અને બસ ખાઈમાં પડી ગઈ. હાલમાં બચાવ કામગીરી પૂર્ણ કરી લેવામાં આવી છે અને ઘાયલોને બહાર કાઢવામાં આવ્યા છે. નારાયણ ખાતે ખસેડવામાં આવ્યા છે. મુસાફરોને રિયાસી જિલ્લા હૉસ્પિટલોમાં લઈ જવામાં આવ્યા છે. પ્રારંભિક અહેવાલો સૂચવે છે કે તેઓ ઉત્તર પ્રદેશના છે.
ઉપરાજ્યપાલે કડક કાર્યવાહી કરવાની કહી વાત
બીજીબાજુ જમ્મુ અને કાશ્મીરના લેફ્ટનન્ટ ગવર્નર મનોજ સિન્હાએ હુમલાની નિંદા કરી અને તેની પાછળના લોકો સામે કાર્યવાહીનું આશ્વાસન આપ્યું. હું રિયાસીમાં બસ પરના કાયરતાપૂર્ણ આતંકવાદી હુમલાની સખત નિંદા કરું છું. શહીદ નાગરિકોના પરિવારના સભ્યો પ્રત્યે મારી સંવેદના. અમારા સુરક્ષા દળો અને JKPએ આતંકવાદીઓને શોધવા માટે સંયુક્ત ઓપરેશન શરૂ કર્યું છે, LG એ ટ્વિટર પર એક પોસ્ટમાં જણાવ્યું હતું. પીએમ નરેન્દ્ર મોદીએ પરિસ્થિતિનો તાગ મેળવ્યો છે અને નિર્દેશ આપ્યો છે કે આ ઘૃણાસ્પદ કૃત્ય પાછળના તમામ લોકોને વધુ સારી તબીબી સંભાળ અને સહાય પૂરી પાડવામાં આવે.