Sidhu Moose Wala Brother New Photo: દિવંગત પંજાબી સિંગર સિદ્ધુ મૂઝવાલાનો પરિવાર ફરી એકવાર ચર્ચામાં છે. સિદ્ધુ મૂઝવાલાના માતા-પિતાએ તેમના ચાહકોને પ્રથમ વખત તેમના નાના પુત્રની ઝલક બતાવી છે. મૂઝવાલાના પિતા બલકૌર સિંહ અને માતા ચરણ કૌરે તેમના નાના પુત્રની તસવીર સોશિયલ મીડિયા પર શેર કરી છે. આ તસવીરમાં કપલ તેમના પુત્ર સાથે તેમના ખોળામાં બેઠું છે. તેની તસવીર થોડા જ કલાકોમાં સોશિયલ મીડિયા પર ઝડપથી વાયરલ થઈ રહી છે. સિદ્ધુ મૂઝવાલાના નાના ભાઈનું નામ શુભદીપ છે.
સિદ્ધુ મૂઝવાલાના સોશિયલ મીડિયા એકાઉન્ટ પર શેર કરવામાં આવેલા ફોટોની સાથે લખ્યું છે કે, "આંખોમાં એક ખાસ ઊંડાણ છે, જે આપણા જીવનના દરેક સત્યને સમજે છે, ચહેરાની નિર્દોષતા અને શબ્દોથી આગળ એક અમૂલ્ય પ્રકાશ, જે હંમેશા અનુભુતી કરાવે છે કે, ભીની આંખો સાથે જે ચહેરાને શાશ્વતનો સોંપ્યો હતો, તે આજ છે અકાલ પુરૂખની કૃપા અને તમામ ભાઈ-બહેનોની પ્રાર્થના માટે આભાર, અમે એક નાના રુપે ફકી આવી રહ્યા છીએ. અમારા પર ભગવાનનો ભરોશો છે, અમે તેમના અપાર આશિર્વાદ માટે સદા ઋણી છીએ.
58 વર્ષની ઉંમરે નાના પુત્રને જન્મ આપ્યો
તમને જણાવી દઈએ કે માનસા જિલ્લાના જવાહરકે ગામમાં 29 મે 2022ના રોજ હુમલાખોરોએ સિદ્ધુ મૂઝવાલાની ગોળી મારીને હત્યા કરી દીધી હતી. તે તેના માતા-પિતાનો એકમાત્ર સંતાન હતો. તેમના પુત્ર સિદ્ધુના મૃત્યુ પછી પિતા બલકૌર સિંહ અને માતા ચરણ કૌર એકલા રહી ગયા હતા, તેથી સિદ્ધુના મૃત્યુના લગભગ બે વર્ષ પછી તેમના માતા-પિતાએ તેમની પ્રેગનન્સીની જાહેરાત કરીને બધાને ચોંકાવી દીધા હતા. આ પછી, 17 માર્ચ, 2024 ના રોજ, ચરણ કૌરે તેના નાના પુત્રને જન્મ આપ્યો. હવે લગભગ આઠ મહિના પછી, કપલે તેમના નાના પુત્ર સાથે એક તસવીર શેર કરી છે.
મૂસેવાલાના ચાહકો તેના નાના ભાઈની પ્રથમ ઝલક જોવા માટે લાંબા સમયથી ઉત્સાહિત હતા. આવી સ્થિતિમાં પિતા બલકૌર સિંહ અને માતા ચરણ કૌરે જેવી તેમના પુત્રની તસવીર શેર કરી, તે ઝડપથી સોશિયલ મીડિયા પર વાયરલ થઈ ગઈ. ચાહકો તેની તસવીરને ખૂબ પસંદ કરી રહ્યા છે અને કોમેન્ટ કરીને પોતાનો પ્રતિભાવ પણ આપી રહ્યા છે.
આ પણ વાંચો...