ઓસ્ટ્રેલિયાના ઘાતક બેટ્સમેન સ્ટીવ સ્મિથે પોતાના મિત્રો સાથે ગલી ક્રિકેટ રમવાની મજા માણી છે. વાયરલ તસવીરમાં સ્મિથ પોતાના મિત્રો સાથે ગલી ક્રિકેટ રમતો દેખાઇ રહ્યો છે.
આ તસવીર ખુદ સ્મિથે પૉસ્ટ કરી છે. જેને ઇન્સ્ટાગ્રામ પર લખ્યું- બેટિંગ ટિપ્સ માટે ધન્યવાદ. આના બદલામાં હું તમને એ ટિપ્સ પર કામ કરવામાં મદદ કરીશુ, ગલી ક્રિકેટ.....
ઓસ્ટ્રેલિયાનો પૂર્વ કેપ્ટન હાલમાં જ પોતાના મિત્રો અને પરિવાર સાથે સમય વિતાવી રહ્યો છે. સ્મિથે પોતાના ચાર મિત્રો સાથે ગાર્ડનમાં બેસેલી એક તસવીર શેર કરી હતી. આ તસવીરમાં લખ્યું હતુ કેટલાક સારા માણસો સાથે શાનદાર સમય. સ્ટીવ સ્મિથ સોશ્યલ મીડિયા પર ખુબ એક્ટિવ છે.
સ્ટીવ સ્મિથ હાલના સમયમાં ટેસ્ટ ક્રિકેટમાં દુનિયાનો નંબર વન બેટ્સમેન છે. જોકે, ઓસ્ટ્રેલિયામાં કોરોના વાયરસના કેરના કારણે હજુ સ્મિથના મેદાન પર વાપસીના આસાર નથી દેખાઇ રહ્યાં.