Delhi Case: સુકેશ ચંદ્રશેખરે દિલ્હીના રાજ્યપાલને વધુ એક પત્ર લખ્યો છે. આ પત્રમાં કોનમેન સુકેશે ધમકી આપ્યાની ફરિયાદ કરી છે. સુકેશે એલજીને લખેલા પત્રમાં કહ્યું કે જ્યારથી તેણે દિલ્હીના સ્વાસ્થ્ય મંત્રી સત્યેન્દ્ર જૈનની ફરિયાદ કરી છે ત્યારથી તેને ફોન પર જાનથી મારી નાખવાની ધમકીઓ મળી રહી છે.
સુકેશના વકીલ અનંત મલિકે કહ્યું કે 14 અને 15 નવેમ્બરે જેલમાં સત્યેન્દ્ર જૈન વિરુદ્ધ સુકેશનું નિવેદન નોંધવામાં આવ્યું હતું. નિવેદન નોંધવામાં આવ્યું ત્યારથી તેની માતાના ફોન પર ધમકીભર્યા કોલ્સ આવી રહ્યા છે. એટલું જ નહીં, આ પત્ર સાથે કેટલાક ફોન નંબરના સ્ક્રીન શોટ પણ શેર કરવામાં આવ્યા છે. સુકેશની માતાના નંબર પરના તે નંબરો પરથી મિસ્ડ કોલ આવ્યા હતા. ટેલીફોન ડિરેક્ટરીવાળી એપ પર આ નંબર મનીષ સિસોદિયા અને સતેંદ્ર જૈનના બતાવવામાં આવ્યા છે.
શું લખ્યું હતું પત્રમાં?
કથિત ઠગ સુકેશ ચંદ્રશેખરે દિલ્હીના લેફ્ટનન્ટ ગવર્નર વીકે સક્સેનાને એક નવો પત્ર લખીને આરોપ લગાવ્યો છે કે તેમને જેલમાં બંધ આમ આદમી પાર્ટી (AAP)ના નેતા અને મંત્રી સત્યેન્દ્ર જૈન સામેની ફરિયાદ પાછી ખેંચવા માટે જેલ સત્તાવાળાઓ તરફથી ધમકીઓ મળી રહી છે.
ચંદ્રશેખરે દાવો કર્યો હતો કે તેમની અગાઉની ફરિયાદોની તપાસ માટે લેફ્ટનન્ટ ગવર્નરની કચેરી દ્વારા રચવામાં આવેલી સમિતિ સમક્ષ તેમનું પ્રથમ નિવેદન નોંધ્યા બાદ 15 નવેમ્બરના રોજ જેલ પ્રશાસન દ્વારા તેમને ધમકી આપવામાં આવી હતી.
વકીલોને પણ ધમકી આપવામાં આવી હતી
સુકેશે પોતાના વકીલ મારફતે આ પત્ર જારી કર્યો છે. પત્રમાં આરોપ લગાવવામાં આવ્યો છે કે જ્યારે તેમના પરિવારે બંને નેતાઓના નંબર પરથી ફોન કોલ્સનો જવાબ આપ્યો ન હતો, ત્યારે તેમના વકીલોને કોલ કરવામાં આવ્યા હતા.
સત્યેન્દ્ર જૈન જેલની અંદર મોબાઈલનો ઉપયોગ કેવી રીતે કરે છે ?
પત્રમાં આરોપ લગાવવામાં આવ્યો છે કે સવાલ એ છે કે સત્યેન્દ્ર જૈન હજુ પણ જેલની અંદર પોતાના મોબાઈલનો ઉપયોગ કેવી રીતે કરી રહ્યા છે અથવા તેમની સૂચના પર તેમના નંબરનો ઉપયોગ કોણ કરી રહ્યું છે ? શા માટે મનીષ સિસોદિયા પણ તેમના સત્તાવાર નંબરો દ્વારા મારા સુધી પહોંચવાનો પ્રયાસ કરી રહ્યા છે.
આ પત્રમાં સુકેશ ચંદ્રશેખરે પોતાને માટે ગંભીર ધમકી આપી છે. તેણે દાવો કર્યો છે કે તે ગંભીર જોખમમાં છે. પત્રમાં સુકેશે સીબીઆઈ દ્વારા મામલાની તપાસની માંગ કરી છે.