રસપ્રદ વાત એ છે કે, મોદી વડાપ્રધાનપદ માટે લાયક છે એવું કહેનારાં સુષ્મા સ્વરાજ ભાજપનાં પહેલાં ટોચનાં નેતા હતાં. ભાજપે 2013માં મોદીને વડાપ્રધાનપદના ઉમેદવાર બનાવ્યા પણ તેના એક વર્ષ પહેલાં જ સુષ્મા સ્વરાજે વડોદરામાં જાહેર કરી દીધું હતું કે, મોદી વડાપ્રધાન બનવા માટે લાયક ઉમેદવાર છે.
સુષ્મા સ્વરાજના નિધનને મોદીએ અંગત ખોટ ગણાવી છે તેનું કારણ સુષ્માએ મોદીને આપેલો સાથ છે. મોદીનો વિરોધ કરવામાં પાછી પાની નહીં કરનારાં સુષ્માએ મોદીની શક્તિની પણ પ્રસંશા કરીને તેમને ખુલ્લેઆમ વડાપ્રધાનપદે બેસાડવાની તરફેણ કરી હતી.