Agnipath Scheme Protest: દક્ષિણ રેલવેએ રવિવારે જણાવ્યું હતું કે કેન્દ્રની સશસ્ત્ર દળોમાં ભરતી યોજના 'અગ્નિપથ' સામેના આંદોલન(Protest Against Agnipath) ને કારણે તેણે કેટલીક વધુ ટ્રેનો રદ કરી છે. શુક્રવારથી દેશભરમાં આ યોજના(Agnipath Protest)નો વિરોધ થઈ રહ્યો છે. આ યોજના હેઠળ યુવાનોને ચાર વર્ષના સમયગાળા માટે સશસ્ત્ર દળોમાં 'અગ્નિવીર' (Agniveer)તરીકે સેવા આપવાની તક આપવામાં આવશે.
આજે એક સત્તાવાર જાહેરાતમાં દક્ષિણ રેલવે(Southern Railway) એ જણાવ્યું હતું કે કેએસઆર બેંગલુરુ-સંઘમિત્રા ડેઈલી એક્સપ્રેસને રદ કરવામાં આવી છે, જ્યારે કેએસઆર બેંગલુરુ-પટના સાપ્તાહિક હમસફર સુપર ફાસ્ટ એક્સપ્રેસને પણ રદ કરવામાં આવી છે. એ જ રીતે, ગયા-એમજીઆર ચેન્નઈ સેન્ટ્રલ વીકલી એક્સપ્રેસ જે આજે ચેન્નઈથી ઉપડતી હતી અને સોમવારે ઉપડનારી કેએસઆર બેંગલુરુ-ન્યુ તિનસુકિયા વીકલી સુપરફાસ્ટ એક્સપ્રેસ રદ કરવામાં આવી છે.
દક્ષિણ રેલ્વેએ કહ્યું કે તેણે હરિશિંગા અને કેએસઆર બેંગલુરુ વચ્ચેની નવી તિનસુકિયા-કેએસઆર બેંગલુરુ સાપ્તાહિક એક્સપ્રેસને આંશિક રીતે રદ કરી છે. શુક્રવારે હૈદરાબાદમાં અગ્નિપથના વિરોધ દરમિયાન પોલીસ ગોળીબારમાં એક વ્યક્તિનું મોત થયું હતું અને અન્ય ચાર ઘાયલ થયા હતા. છેલ્લા બે દિવસમાં દક્ષિણ રેલ્વેએ વિરોધને કારણે ઘણી ટ્રેનોને આંશિક અથવા સંપૂર્ણ રીતે રદ કરી છે.
ભારતીય વાયુસેનાએ ભરતી નૉટિફિકેશન બહાર પાડી દીધુ
ભારતભરમાં અગ્નિપથ યોજનાને લઇને વિરોધ ચાલી રહ્યો છે, ત્યારે આ બધાની વચ્ચે ભારતીય વાયુસેનાએ ભરતી નૉટિફિકેશન બહાર પાડી દીધુ છે. અગ્નિપથ યોજનામાં અગ્નિવીરોની ભરતી માટે વાયુસેનાએ ડિટેલ પોતાની વેબસાઇટ પર મુકી દીધી છે. આ ડિટેલ અનુસાર, ચાર વર્ષની સેવા દરમિયાન અગ્નિવીરોની વાયુસેના તરફથી બીજી કેટલીય સેવાઓ આપવામાં આવશે, જે સ્થાયી વાયુસૈનિકોને મળનાર પ્રમાણે હશે.
એરફોર્સની વેબસાઇટ પર અપલૉડ કરવામાં આવેલી જાણકારી અનુસાર, અગ્નિવીરોની સેલેરીની સાથે હાર્ડશિપ એલાઉન્સ, યૂનિફૉર્મ એલાઉન્સ, કેન્ટિન સુવિધા અને મેડિકલ સુવિધા પણ મળશે. આ સુવિધાઓ એક રેગ્યૂલર સૈનિકોને મળે છે.
અગ્નિવીરોના સેવા કાળ દરમિયાન ટ્રાવેલ એલાઉન્સ પણ મળશે. આ ઉપરાંત તેને વર્ષમાં 30 દિવસની રજા મળશે. તેના માટે મેડિકલ લીવની વ્યવસ્થા અલગ છે. અગ્નિવીરોને સીએસડી કેન્ટિનની સર્વિસ (ચાર વર્ષ) દરમિયાન જો મૃત્યુ થઇ જાય છે, તો તેના પરિવારને ઇન્શ્યૉરન્સ કવર મળશે, આ અંતર્ગત તેના પરિવારને લગભગ 1 કરોડ રૂપિયા મળશે.