ઉદ્ધવ ઠાકરેને મોટો ઝટકો, ઉમેદવારે નામ પરત ખેંચ્યું, CM શિંદેને આપ્યું સમર્થન 

મહારાષ્ટ્રમાં ચૂંટણીના ગરમાવો વચ્ચે એક મોટા સમાચાર સામે આવ્યા છે. સંભાજીનગર સેન્ટ્રલમાંથી ઉદ્ધવ ઠાકરેની પાર્ટીના ઉમેદવારે પોતાનું નામ પાછું ખેંચી લીધું છે.

Maharashtra Assembly Election 2024: મહારાષ્ટ્રમાં ચૂંટણીના ગરમાવો વચ્ચે એક મોટા સમાચાર સામે આવ્યા છે. સંભાજીનગર સેન્ટ્રલમાંથી ઉદ્ધવ ઠાકરેની પાર્ટીના ઉમેદવારે પોતાનું નામ પાછું ખેંચી લીધું છે. એટલું જ નહીં નામ પાછું ખેંચ્યા બાદ સીએમ એકનાથ શિંદેને સમર્થન આપવાનો નિર્ણય લેવામાં આવ્યો છે. ચૂંટણી પહેલા ઉદ્ધવ ઠાકરે માટે આ મોટોઝટકો છે.

સંભાજીનગર સેન્ટ્રલના કિશનચંદ તનવાનીએ પણ પોતાનું નામ પાછું ખેંચી લેતા મોટો દાવો કર્યો છે. તેમણે કહ્યું કે આ વખતે મહારાષ્ટ્ર વિધાનસભા ચૂંટણીમાં MVA મોટા માર્જિનથી હારી જશે.

છેલ્લી ઘડીએ કિશનચંદ તનવાનીએ પોતાનું નામ પાછું ખેંચ્યું 

કિશનચંદ તનવાનીએ પ્રેસ કોન્ફરન્સ કરીને નામ પાછું ખેંચવાનો નિર્ણય જાહેર કર્યો છે જ્યારે ઉમેદવારી પત્ર ભરવામાં માત્ર એક દિવસ બાકી છે. ઉમેદવારી પત્રો ભરવાની છેલ્લી તારીખ 29 ઓક્ટોબરે પૂરી થાય છે. રાજકીય વર્તુળોમાં એવી ચર્ચા ચાલી રહી છે કે આ પાછળનું કારણ શું છે ? કહેવામાં આવી રહ્યું છે કે ઉદ્ધવ ઠાકરે જૂથની શિવસેના બીજા ઉમેદવારને મેદાનમાં ઉતારશે.

સંભાજીનગર શિવસેનાનો ગઢ છે

છત્રપતિ સંભાજીનગર શિવસેનાનો ગઢ માનવામાં આવે છે. અહીં મોટાભાગની જગ્યાઓ પર શિંદે જૂથની શિવસેના અને ઉદ્ધવ ઠાકરે જૂથની શિવસેના વચ્ચે ટક્કર થશે. શિંદે જૂથના શિવસેનાના વિધાનસભ્ય પ્રદીપ જયસ્વાલને ફરીથી શહેરના મધ્ય મતવિસ્તારમાંથી મેદાનમાં ઉતારવામાં આવ્યા છે.  ઉદ્ધવ ઠાકરે જૂથે કિશનચંદ તનવાનીને પોતાના ઉમેદવાર બનાવ્યા હતા.

તનવાનીએ ગઈ કાલે ઉમેદવારી પત્ર ભરવા માટેની રેલી રદ કરી હતી કારણ કે બજારમાં ભીડને કારણે નાગરિકોને અસુવિધા થશે. આ પછી, તેમણે સોમવારે (28 ઓક્ટોબર) એક પ્રેસ કોન્ફરન્સમાં અચાનક ઉમેદવારી પાછી ખેંચવાની જાહેરાત કરી હતી.

કિશનચંદ તનવાનીએ પોતાનું નામ કેમ પાછું ખેંચ્યું ?

પ્રદીપ જયસ્વાલ અને કિશનચંદ તનવાણી બંને કટ્ટર શિવસૈનિક હોવાનું કહેવાય છે. બંને વચ્ચે મિત્રતા પણ છે. 2014ની વિધાનસભા ચૂંટણીમાં બંને એકબીજા સામે લડ્યા હતા. આ સમયગાળા દરમિયાન મતોની વહેંચણીને કારણે  AIMIM ના ઇમ્તિયાઝ જલીલ વિજયી બન્યા. આ વખતે પણ પ્રદીપ જયસ્વાલ  AIMIM ના નાસિર સિદ્દીકી મેદાનમાં છે.  કિશનચંદ તનવાનીએ હટી જવાનો નિર્ણય કર્યો.

તનવાનીના નિર્ણય પાછળ જૂથવાદ હોવાનું કહેવાય છે. જો કે તનવાનીએ આ અંગે કોઈ ટિપ્પણી કરી ન હતી. તમને જણાવી દઈએ કે મહારાષ્ટ્રની તમામ 288 સીટો પર 20 નવેમ્બરે મતદાન થશે, જ્યારે પરિણામ 23 નવેમ્બરે જાહેર કરવામાં આવશે. આવતીકાલે ફોર્મ ભરવાનો અંતિમ દિવસ છે. આજે પણ ઘણી પાર્ટીઓ દ્વારા પોતાના ઉમેદવારોના નામ જાહેર કરવામાં આવ્યા છે.