કેન્દ્ર સરકારના નિર્ણય અનુસાર શેરડીનું વાવેતર કરતા ખેડૂતોને 60 લાખ મેટ્રિક ટન શેરડીના નિકાસ કરવા પર 6 હજાર 268 કરોડ રૂપિયાની સબ્સિડીને મંજૂરી આપી દીધી છે. સરપ્લસ સ્ટૉકને જોતાં ખાંડની એક્સપોર્ટ પૉલિસીને 2019-20ની સીઝન માટે મંજૂરી આપી દેવામાં આવી છે.
સરકારના આ નિર્ણયને લઈને કેન્દ્રીય મંત્રી પ્રકાશ જાવડેકારે કહ્યું કે આ નિર્ણયથી શેરડીના ભાવ સારા રહેશે. સાથે તેઓએ કહ્યું કે તેનાથી ખેડૂતોને નુકશાન પણ નહીં થાય. ઉલ્લેખનીય છે કે શેરડીના ખેડૂતો વારંવાર પોતાની સમસ્યા અંગે રજૂઆત કરતા આવ્યા છે.