UP News: આજના સમયમાં પણ વિભાગીય બેદરકારીના અનેક કિસ્સા તમે સાંભળ્યા હશે. સૌથી વધુ આશ્ચર્ય આ વાતનું થાય છે કે કોઈપણ વિભાગમાં પસંદ થયેલા એ કર્મચારીઓ જે યોગ્ય અને તાલીમબદ્ધ માનવામાં આવે છે તેમનાથી કોઈ ભૂલ કેવી રીતે થઈ શકે છે. કંઈક આવું જ વારાણસીના રમના ગામની કિશોરીઓ સાથે થયું. દિવાળી દરમિયાન રમના ગામની લગભગ 35થી વધુ કિશોરીઓના મોબાઈલ પર એક મેસેજ આવ્યો જેમાં તેમની નોંધણી એક ગર્ભવતી મહિલા તરીકે કરી દેવામાં આવી હતી. જોકે આ મામલામાં ફરિયાદ પહેલા જ વિભાગ દ્વારા ડેટા ડિલીટ કરીને જવાબદાર કર્મચારીઓને નોટિસ મોકલવામાં આવી છે.
આ મામલામાં જ્યારે એબીપી ન્યૂઝે વારાણસીના મુખ્ય વિકાસ અધિકારી હિમાંશુ નાગપાલને સવાલ પૂછ્યો તો તેમણે જવાબ આપતા કહ્યું કે - વારાણસીના રમના ગામથી એક માહિતી પ્રાપ્ત થઈ હતી જ્યાં કેટલીક કિશોરીઓની નોંધણી ગર્ભવતી મહિલા તરીકે કરી દેવામાં આવી હતી. તેમને આની જાણકારી મોબાઈલ મેસેજ દ્વારા દિવાળી તહેવાર પહેલા પ્રાપ્ત થઈ હતી. વિભાગ દ્વારા જ્યારે આ મામલાની તપાસ કરવામાં આવી ત્યારે જાણવા મળ્યું કે આંગણવાડી કાર્યકર્તા મહિલા જે ગર્ભવતી મહિલાઓ, બાળકોને પોષણયુક્ત આહાર આપવાની સાથે BLOનું કામ પણ કરે છે. એક યોજના અંતર્ગત આંગણવાડી મહિલાઓ દ્વારા ઘરે ઘરે જઈને ગ્રામીણ પરિવારના સભ્યોના આધાર કાર્ડ અને ફોર્મ એકત્ર કરવામાં આવી રહ્યા હતા.
વારાણસીના મુખ્ય વિકાસ અધિકારીએ જણાવ્યું કે - ફોર્મ એકત્ર કરતી વખતે આંગણવાડી કાર્યકર્તાઓ દ્વારા ભૂલથી આધાર નંબર સહિત બંને ફોર્મ મિક્સ થઈ ગયા. અને ત્યારબાદ તે જ આધાર નંબર પર નોંધણી થઈ ગઈ, જેના પછી આ મેસેજ કિશોરીઓને પ્રાપ્ત થયો. પરંતુ આ મામલા પર તાત્કાલિક ધ્યાન આપીને ફરિયાદ પહેલા જ ડેટા ડિલીટ કરી દેવામાં આવ્યો હતો. આ એક માનવીય ભૂલ છે. અને આ મામલામાં જવાબદાર લોકોને નોટિસ પણ જારી કરવામાં આવી છે.
આ પણ વાંચોઃ