Uttarakhand News: ઉત્તરાખંડ સ્થિત ચમોલીમાં બદ્રીનાથ ધામથી પરત ફરી રહેલું એક હેલિકોપ્ટર ગુમ થઈ ગયું છે. ખરાબ હવામાન વચ્ચે હેલિકોપ્ટર સાથેનો સંપર્ક તૂટી ગયો. હેલિકોપ્ટરમાં પાયલટ સહિત 5 લોકો સવાર હતા. હેલિકોપ્ટર ક્રેશ થવાની આશંકા વ્યક્ત કરવામાં આવી રહી છે. ગુમ થયેલા હેલિકોપ્ટરની શોધમાં ટીમો કામે લાગી છે, પરંતુ તેમાં સવાર લોકો સાથે હજુ સુધી સંપર્ક થઈ શક્યો નથી. હેલિકોપ્ટરમાં સવાર લોકોની ઓળખ ચંદ્રકાંત, અથર્વ, આકાશ, રાજ શ્રી, દિનેશ તરીકે થઈ છે.
ITBP ની ટીમને ક્રેશ સાઈટ તરફ મોકલવામાં આવી જણાવી દઈએ કે હવામાન વિભાગે 29 ઓક્ટોબરે જ 30 ઓક્ટોબર માટે ઉત્તરાખંડના નૈનીતાલ, ચંપાવત, પીથોરાગઢ, બાગેશ્વર અને ચમોલી જિલ્લાઓમાં 'ઓરેન્જ એલર્ટ' જારી કર્યું હતું. પૂર્વાનુમાન મુજબ, કેટલાક સ્થળોએ ગાજવીજ સાથે વિજળી પડવા, કરા પડવા અને 40 થી 50 કિમી/કલાકની ઝડપે તેજ પવન ફૂંકાવાની શક્યતા હતી. આ સિવાય, પીથોરાગઢ, બાગેશ્વર, નૈનીતાલ અને ચંપાવતના કેટલાક વિસ્તારોમાં ભારે વરસાદ થવાની આશંકા વ્યક્ત કરવામાં આવી હતી.
ઉત્તરાખંડના મુખ્યમંત્રી પુષ્કર સિંહ ધામીએ દુઃખ વ્યક્ત કર્યું
સોશિયલ મીડિયા પ્લેટફોર્મ એક્સ પર પોસ્ટ કરીને ધામીએ જણાવ્યું કે, જોશીમઠ નજીક આવેલા ચાઈ ગામ પાસે હેલિકોપ્ટર ક્રેશ થયાની દુર્ભાગ્યપૂર્ણ માહિતી મળી છે. જિલ્લા વહીવટી તંત્ર, આપત્તિ વ્યવસ્થાપન વિભાગ અને એસડીઆરએફ દ્વારા સંયુક્ત રીતે રેસ્ક્યૂ ઓપરેશન હાથ ધરવામાં આવી રહ્યું છે. સમગ્ર ઘટનાક્રમ પર પોતે સતત નજર રાખી રહ્યા હોવાનું પણ તેમણે જણાવ્યું હતું. ગંભીર રીતે ઘાયલ લોકોને તાત્કાલિક એરલિફ્ટ કરીને વધુ સારી સારવાર માટે હાયર સેન્ટર પહોંચાડવાના નિર્દેશ આપવામાં આવ્યા છે. સાથે જ તેમણે ઈશ્વરને પ્રાર્થના કરી કે હેલિકોપ્ટરમાં સવાર તમામ મુસાફરો સુરક્ષિત હોય.
અખિલેશ યાદવે પણ પ્રતિક્રિયા આપી સોશિયલ મીડિયા પ્લેટફોર્મ એક્સ પર પોસ્ટ કરીને અખિલેશ યાદવે જણાવ્યું કે, ઉત્તરાખંડમાં હેલિકોપ્ટર ગુમ થયાના સમાચાર અત્યંત ચિંતાજનક છે. અત્યાધુનિક ટેક્નોલોજીનો ઉપયોગ કરીને હેલિકોપ્ટરનો વહેલી તકે પત્તો લગાવવામાં આવે અને તેમાં સવાર લોકો અંગેની માહિતી જાહેર કરવામાં આવે. આ ઉપરાંત તમામ શક્ય તબીબી સારવારની વ્યવસ્થા કરવાની પણ તેમણે અપીલ કરી હતી.
હવામાન વિભાગે પણ અગાઉ જ ઓરેન્જ એલર્ટ જાહેર કર્યું હતુ ઉલ્લેખનીય છે કે, હવામાન વિભાગે 29 ઓક્ટોબરના રોજ જ 30 ઓક્ટોબર માટે ઉત્તરાખંડના નૈનીતાલ, ચંપાવત, પિથોરાગઢ, બાગેશ્વર અને ચમોલી જિલ્લામાં ઓરેન્જ એલર્ટ જાહેર કર્યું હતું. હવામાન વિભાગની આગાહી મુજબ, રાજ્યના કેટલાક વિસ્તારોમાં ગાજવીજ સાથે વીજળી પડવાની, કરા પડવાની અને 40થી 50 કિલોમીટર પ્રતિ કલાકની ઝડપે ભારે પવન ફૂંકાવાની શક્યતા વ્યક્ત કરવામાં આવી હતી. આ ઉપરાંત પિથોરાગઢ, બાગેશ્વર, નૈનીતાલ અને ચંપાવતના કેટલાક વિસ્તારોમાં ભારે વરસાદની પણ આગાહી કરવામાં આવી હતી.