12 થી 14 વર્ષના બાળકોને આવતીકાલથી અપાશે રસી, રાજ્યોને કેંદ્રએ આપ્યા આ નિર્દેશ

16 માર્ચથી 12 થી 14 વર્ષના બાળકો માટે કોવિડ રસીકરણ શરૂ થવા જઈ રહ્યું છે. આ સંદર્ભમાં આજે કેન્દ્રીય આરોગ્ય સચિવ રાજેશ ભૂષણે રાજ્યો અને કેન્દ્રશાસિત પ્રદેશો સાથે વર્ચ્યુઅલ બેઠક યોજી હતી.

16 માર્ચથી 12 થી 14 વર્ષના બાળકો માટે કોવિડ રસીકરણ શરૂ થવા જઈ રહ્યું છે. આ સંદર્ભમાં આજે કેન્દ્રીય આરોગ્ય સચિવ રાજેશ ભૂષણે રાજ્યો અને કેન્દ્રશાસિત પ્રદેશો સાથે વર્ચ્યુઅલ બેઠક યોજી હતી. રાજ્યોને જાણ કરવામાં આવી હતી કે 12-14 વર્ષની વયના તમામ બાળકો માટે વિનામૂલ્યે કોવિડ રસીકરણ આવતીકાલથી તમામ સરકારી કોવિડ રસીકરણ કેન્દ્રો પર શરૂ થશે. તેનું ઓનલાઈન રજીસ્ટ્રેશન 16 માર્ચ બુધવારના રોજ સવારે 9 વાગ્યાથી શરૂ થશે, આ સિવાય ઓનસાઈટ વોક-ઈન દ્વારા પણ રસીકરણ કરી શકાશે.

આ સિવાય 16 માર્ચથી 60 વર્ષથી વધુ ઉંમરના દરેક વ્યક્તિ પ્રિકોશન ડોઝ લઈ શકશે. અગાઉ, માત્ર 60 વર્ષથી વધુ ઉંમરના એવા લોકોને જ સાવચેતીનો ડોઝ આપવામાં આવતો હતો જેમને અન્ય કોઈ બીમારી હોય. પરંતુ હવે આ વય જૂથ માટે કોમોર્બિડિટીની શરત દૂર કરવામાં આવી છે. પ્રિકોશન ડોઝ બીજા ડોઝની તારીખથી 9 મહિના પછી આપવામાં આવશે. આ સંબંધમાં વિગતવાર માર્ગદર્શિકા રાજ્યો અને કેન્દ્રશાસિત પ્રદેશોને મોકલવામાં આવી છે.

દેશમાં આવતીકાલથી 12-14 વર્ષના બાળકોને પણ કોરોનાની રસી આપવાની શરુઆત થશે. ગઈકાલે કેન્દ્રીય આરોગ્યો મંત્રી મનસુખ માંડવિયાએ ટ્વીટ કરીને આ અંગે જાહેરાત કરી હતી. 12 થી 14 વર્ષના બાળકોને હૈદરાબાદમાં આવેલી બાયોલોજીકલઈ નામની ફાર્મા કંપની દ્વારા નિર્મીત કોર્બેવેક્સ નામની કોરોના રસી આપવામાં આવશે. દેશમાં અંદાજે કુલ 7.11 કરોડ બાળકોને કોરોના રસી આપવામાં આવશે. 

રાજ્યોને સલાહ

- 12 થી 14 વર્ષની વયજૂથને બાયોલોજિકલ ઈની  Corbevax આપવામાં આવશે, પ્રથમ રસી આપ્યાના 28 દિવસ પછી બીજી રસી આપવામાં આવશે. તે જ સમયે, 15 થી 18 વર્ષની વયના બાળકોને ભારત બાયોટેકની કોવેક્સીન આપવામાં આવશે.

- રસીકરણની તારીખે 12 વર્ષની થઈ ગયેલા બાળકોને જ કોવિડ 19 સામે રસી આપવામાં આવશે, જો લાભાર્થી નોંધાયેલ હોય પરંતુ રસીકરણની તારીખે તેની ઉંમર 12 વર્ષની ન હોય, તો રસીકરણ ન કરવું.

રાજ્યોને અન્ય રસીકરણ સાથે મિશ્રને ટાળવા માટે 12-14 વર્ષની વય જૂથમાં રસીકરણ માટે નિયુક્ત કોવિડ રસીકરણ કેન્દ્રો સ્થાપવાની સલાહ આપવામાં આવી છે.

રાજ્યો/કેન્દ્રશાસિત પ્રદેશોને જાણ કરવામાં આવી હતી કે હાલમાં CoWIN માં લાભાર્થીની ઉંમર જન્મના વર્ષના આધારે ફિલ્ટર કરવામાં આવી રહી છે. 12 વર્ષની ઉંમરની ચકાસણી માટેની જવાબદારી રસીકરણના સમયથી પ્રથમ થોડા દિવસો માટે રસીકરણકર્તા/વેરિફાયરની રહેશે, કારણ કે COVIN પોર્ટલમાં સાચી જન્મતારીખ પ્રદાન કરવાની પ્રક્રિયા ચાલી રહી છે. એકવાર અમલમાં આવ્યા પછી, સિસ્ટમ મૂળભૂત રીતે એવા લાભાર્થીઓની નોંધણીને મંજૂરી આપશે નહીં જેઓ ભલામણ કરેલ વયના નથી.