દેશભરમાં કોરોના મહામારીના કેર વચ્ચે આસામ, પશ્ચિમ બંગાળ, કેરળ, તામિલનાડુ અને પુડુચેરીમાં વિધાનસભા ચૂંટણીઓ યોજાઈ હતી. આ ચૂંટણીઓના પરિણામ આજે જાહેર થઈ રહ્યા છે.. પાંચ રાજ્યોની ચૂંટણીના પરિણામોમાં ભાજપની નજર વધુ રાજ્યોમાં તેનું શાસન ફેલાવવા પર છે જ્યારે કોંગ્રેસ તેની ગુમાવેલી શાખ પાછી મેળવવાનો પ્રયાસ કરી રહી છે. પશ્ચિમ બંગાળમાં તૃણમૂલ કોંગ્રેસને સતત ત્રીજી વખત સત્તા પર રહેવાની આશા છે.
પશ્ચિમ બંગાળમાં સૌની નજર નંદીગ્રામ બેઠક પર છે. નંદીગ્રામમાં મમતા અને સુવેંન્દ્ર અધિકારીને પડકાર આપીને મામલો ત્રિકોણીય બની ગયો છે. માકપાની મીનાક્ષી મુખર્જી. મીનાક્ષી યુવા નેતા છે અને નંદીગ્રામમાં રોજગાર અને ઓદ્યોગીકરણના વાયદાની સાથે ચૂંટણીમાં ઉત્તરી છે. આ સીટ પર તેની પ્રતિષ્ઠા દાંવ પર છે.
બંગાળમાં નંદીગ્રામ એવી સીટ છે. જે દેશની સૌથી હાઇ પ્રોફાઇલ સીટ બની ગઇ છે. પશ્ચિમ બંગાળમાં સુવેંન્દ્રુએ 5000 વોટોથી લીડ બનાવી છે. લોકેટ ચેટર્જી અને બાબુલ સુપ્રિયો પાછળ ચાલી રહ્યાં છે.
નંદીગ્રામમાં ટીએમસી છોડીને ભાજપમાં ભળેલા અને એક સમયે મમતાના ખાસ માનવામાં આવતાં સુવેંદુ અધિકારી વચ્ચે જંગ છે. આ બેઠક પરથી હાલ ભાજપના ઉમેદવાર સુવેંદુ અધિકારી આગળ ચાલી રહ્યા છે.
ચૂંટણી પંચની વેબસાઇટ મુજબ, પશ્ચિમ બંગાળની 292 બેઠક પૈકી 184 બેઠકના વલણ સામે આવ્યા છે. જે મુજબ મમતા બેનર્જીની તૃણમુલ કોંગ્રેસ 119, ભાજપ 62, અપક્ષ 2 તથા રાષ્ટ્રીય સેક્યુલક મજલિસ પાર્ટી એક બેઠક પર આગળ ચાલી રહી છે.
પાંચ રાજ્યોમાં કેટલા બૂથ પર થશે મત ગણતરી
ચૂંટણી પંચે મતગણતરી કેન્દ્રો પર કોરોના માર્ગદર્શિકાઓના પાલનની પૂરી ખાતરી રાખી છે. પાંચ રાજ્યોની કુલ ૮૨૨ વિધાનસભા બેઠકોમાં મતગણતરી માટે ૨,૩૬૪ કેન્દ્રો બનાવવામાં આવ્યા છે, જે ૨૦૧૬માં ૧,૦૦૨ની સરખામણીમાં બમણાથી વધુ છે. દરેક મતગણતરી કેન્દ્ર પર સેનિટાઈઝેશનના ૧૫ રાઉન્ડ કરવામાં આવશે. ઉપરાંત સોશિયલ ડિસ્ટન્સ અને માસ્ક પહેરવા જેવા નિયમોનું કડકાઈથી પાલન કરાશે.
એક્ઝિટ પોલમાં શું થઈ આગાહી
દેશમાં વિવિધ એક્ઝિટ પોલે આગાહી કરી છે કે પશ્ચિમ બંગાળમાં મમતા બેનરજી અને ભાજપ વચ્ચે કાંટે કી ટક્કર જેવી સ્થિતિ છે. જોકે, કેટલાક સર્વે મુજબ મમતા બેનરજી બંગાળમાં સત્તા જાળવી રાખશે અને ભાજપ બીજા નંબરના પક્ષ તરીકે ઊભરી આવશે. આસામમાં ભાજપનું શાસન યથાવત્ રહેશે જ્યારે કેરળમાં ડાબેરી જોડાણ જીતી જવાની સંભાવના વ્યક્ત કરાઈ છે. એક્ઝિટ પોલ મુજબ આસામ અને કેરળમાં કોંગ્રેસનો પનો થોડોક ટૂંકો પડશે જ્યારે પુડુચેરીમાં તે સત્તા ગુમાવે તેવી સંભાવના છે. કોંગ્રેસ માટે એકમાત્ર સારા સમાચાર તામિલનાડુમાંથી મળે છે, જ્યાં ડીએમકેના નેતૃત્વમાં વિપક્ષી જોડાણના વિજયની આગાહી કરવામાં આવી છે. અહીં ભાજપે શાસક અન્નાદ્રમુક સાથે જોડાણ કર્યું છે.