West Bengal Assembly Election Result 2026: પશ્ચિમ બંગાળમાં સત્તા પરિવર્તન થતું જોવા મળી રહ્યું છે. બંગાળ વિધાનસભાની મતગણતરીના વલણોમાં ભારતીય જનતા પાર્ટીએ બહુમતીનો આંકડો પાર કરી લીધો છે. તૃણમૂલ કોંગ્રેસ ઘણી પાછળ ચાલી રહી છે. આ દરમિયાન ડોક્ટર કુમાર વિશ્વાસે એક રસપ્રદ પોસ્ટ શેર કરી છે. તેમણે બંગાળને સંબોધતા કહ્યું કે હું તને ખૂબ જ પ્રેમ કરું છું.
બંગાળમાં સત્તામાં આ સંભવિત ઐતિહાસિક પરિવર્તન અને ભાજપની લહેર અંગે દેશભરમાંથી પ્રતિક્રિયાઓ આવી રહી છે. આ સંદર્ભમાં, દેશના પ્રખ્યાત કવિ અને વક્તા, ડૉ. કુમાર વિશ્વાસે પણ તેમની કાવ્યાત્મક શૈલીમાં પોતાના વિચારો વ્યક્ત કર્યા છે.
આ પણ વાંચો...West Bengal Election Results: બંગાળમાં શરૂઆતના વલણોમાં BJPને બહુમત, TMCનો ગઢ ધરાશાયી
ચૂંટણી પંચના સત્તાવાર આંકડા મુજબ ભાજપે સવારે 12 વાગ્યા સુધીમાં 170 બેઠકો પર સરસાઈ મેળવી લીધી હતી. શરૂઆતી વલણો પછી કુમાર વિશ્વાસે સોશિયલ મીડિયા પર બંગાળી ભાષાની કેટલીક લાઈનો શેર કરી. તેમણે લખ્યું,
'आमार शोनार बांग्ला,आमि तोमाए भालोबाशी.चिरोदिन तोमार आकाश,तोमार बताश,अमार प्राने बजाए बाशी'
કુમાર વિશ્વાસે પોતાની પ્રતિક્રિયાઓ શેર કરીબંગાળમાં ભારતીય જનતા પાર્ટીના શાનદાર પ્રદર્શન અને શરૂઆતના વલણોમાં નિર્ણાયક લીડ બાદ, ડૉ. કુમાર વિશ્વાસે સોશિયલ મીડિયા પ્લેટફોર્મ 'X' પર પોતાની લાગણીઓ વ્યક્ત કરી. બંગાળની માટી, તેની સંસ્કૃતિ અને તેના ઐતિહાસિક વારસાને શ્રદ્ધાંજલિ આપતા, તેમણે ગુરુદેવ રવીન્દ્રનાથ ટાગોર દ્વારા રચિત આ કાલજયી ગીતની શરૂઆતની પંક્તિઓ શેર કરી.
ગુજરાતીમાં આનો અર્થ થાય છે: "મારા સોનાના બંગાળ, હું તને પ્રેમ કરું છું." હંમાશા તારું આકાશ, તારી હવા , મારા પ્રાણમાં હંમેશા વાંસળી વગાડે છે.
ભાજપે વલણોમાં બહુમતીનો આંકડો પાર કર્યો
ચૂંટણી પંચના આંકડા મુજબ બપોરે 12.10 વાગ્યા સુધી ભાજપ 170 બેઠકો પર આગળ ચાલી રહી છે. જ્યારે તૃણમૂલ કોંગ્રેસ 91 બેઠકો પર આગળ છે. વળી અન્ય પક્ષો ચાર બેઠકો પર આગળ ચાલી રહ્યા છે. ભાજપ મેખલીગંજ, માથાભાંગા, કૂચબિહાર દક્ષિણ, સિતાલકુચી, દિનહાટા, નતાબાડી, તુફાનગંજ, કુમારગ્રામ, કાલચીની, ફાલાકાટા અને માદારીહાટ બેઠક પર આગળ છે.
સિંગુર બેઠક પર ભાજપે મેળવી સરસાઈ, TMC પાછળ
પશ્ચિમ બંગાળ વિધાનસભા ચૂંટણી પ્રચાર દરમિયાન ચર્ચામાં રહેલી સિંગુર બેઠક પર ભારતીય જનતા પાર્ટી (ભાજપ) મતગણતરીના શરૂઆતી વલણોમાં તૃણમૂલ કોંગ્રેસ કરતા આશરે 3,000 મતોથી આગળ છે. સિંગુરમાં ટાટા નેનો કાર ફેક્ટરીનો મુદ્દો ચૂંટણી પ્રચાર દરમિયાન મુખ્યત્વે ઉઠ્યો હતો. સિંગુર વિધાનસભા બેઠક પર ભાજપના અરૂપ કુમાર દાસ તેમના નજીકના હરીફ તૃણમૂલ કોંગ્રેસના બેચારામ મન્ના કરતા 2,965 મતોથી આગળ છે. દાસને 15,516 મત મળ્યા, જ્યારે મન્નાને 12,651 મત પ્રાપ્ત થયા છે.