WB Election 2021 Phase 4 Voting : ચોથા તબક્કામાં 76.16 ટકા મતદાન, કૂચ બિહારમાં હિંસા દરમિયાન ચારના મોત

ભાજપના નેતા તેમજ કેન્દ્રીય પ્રધાન બાબુલ સુપ્રીયો અને ટીએમસીના બે મંત્રીઓ સહિત અનેકનું ભાવી ઇવીએમમાં કેદ થશે.

બ્રેકગ્રાઉન્ડ

કોલકાતા : પશ્ચિમ બંગાળમાં વિધાનસભાની ચૂંટણીના ચોથા તબક્કા માટે આજે મતદાન યોજાઈ રહ્યું છે. મતદાન માટે વહેલી સવારથી જ મતદારોએ લાઈન લગાવી છે. જેમાં ભાજપના નેતા તેમજ કેન્દ્રીય પ્રધાન બાબુલ સુપ્રીયો અને ટીએમસીના બે મંત્રીઓ સહિત અનેકનું ભાવી ઇવીએમમાં કેદ થશે.

10/04/2021 22:06:58

ચોથા તબક્કામાં 76.16 ટકા મતદાન

પશ્ચિમ બંગાળમાં ચોથા તબક્કામાં શનિવારે સાંજે પાંચ વાગ્યા સુધી પાંચ જિલ્લાની 44 વિધાનસભા બેઠકો પર 76.16 ટકા મતદાન થયું હતું. મુખ્ય ચૂંટણી અધિકારી  કાર્યાલયે આ માહિતી આપી હતી.

 

10/04/2021 19:49:34

ગાંધીનગર મનપાની ચૂંટણી મોકૂફ

વધતા કોરોનાના સંક્રમણને કારણે ગાંધીનગર મહાનગરપાલિકા (GMC)ની ચૂંટણી મોકૂફ રાખવા રાજ્ય ચુંટણી પંચે સત્તાવાર આદેશ કર્યો છે. ગાંધીનગર મહાનગરપાલિકાની ચૂંટણી18 એપ્રિલે યોજાવાની હતી. કોરોનાની સ્થિતિ સુધરે ત્યારબાદ નવી તારીખની જાહેરાત કરવામાં આવશે. રાજ્યમાં વણસી રહેલી કોરોના સંક્રમણની સ્થિતિને ધ્યાનમાં રાખીને રાજ્યના મુખ્યમંત્રી વિજય રૂપાણી (CM Vijay Rupani)એ ચૂંટણી મોકૂફ રાખવા માટે રજૂઆત કરી હતી. આ સાથે કૉંગ્રેસ અને આમ આદમી પાર્ટીએ પણ ચૂંટણી મોકૂફ રાખવા માટે ચૂંટણી પંચ સમક્ષ રજૂઆત કરી હતી. 

10/04/2021 17:39:05

4 વાગ્યા સુધી 66 ટકાથી વધુ મતદાન

બપોરે 3:39 વાગ્યા સુધી પશ્ચિમ બંગાળની 44 બેઠકો પર 66.76 ટકા મતદાન થયું હતું. મતદાન હજુ ચાલુ છે. જો કે, આ આંકડા પરથી સ્પષ્ટ થઈ ગયું છે કે હિંસાના અહેવાલો વચ્ચે પણ મતદારો મોટી માત્રામાં મતદાન કરી રહ્યા છે.

10/04/2021 13:09:11

12 વાગ્યા સુધીમાં કેટલું વોટિેગ

ચૂંટણી પંચના જણાવ્યા મુજબ પશ્ચિમ બંગાળ વિધાનસભા ચૂંટણીના ચોથા તબક્કામાં બપોરે 12 વાગ્યા સુધીમાં 33.98 ટકા મતદાન થયું છે.

10/04/2021 08:24:19

મોદી-મમતાની જંગી મતદાનની અપીલ

પશ્ચિમ બંગાળમાં આજે ચોથા તબક્કાનું મતદાન યોજાઈ રહ્યું છે. જેને લઈ પ્રધાનમંત્રી નરેન્દ્ર મોદી તથા રાજ્યના મુખ્યમંત્રી મમતા બેનર્જીએ લોકોને જંગી મતદાનની અપીલ કરી છે. મોદી યુવા મતદારોને મહત્તમ વોટિંગ કરવા અપીલ કરી છે.