PIB ફેક્ટ ચેકે પોતાના ટ્વીટમાં કહ્યું કે, મહિલા અને બાળ વિકાસના ‘બેટી બચાઓ, બેટી પઢાઓ’ અભિયાનની નકલી વેબસાઈટ પર દાવો કરવામાં આવ્યો છે કે 2100 રૂપિયા આપવા પર નોકરી, લેપટોપ, પ્રિન્ટર અને મોબાઈલ ઉપલબ્ધ કરાવવામાં આવશે. આ અહેવાલની ખરાઈ કરતાં PIBએ કહ્યું કે, આ વેબસાઈટ મહિલા અને બાળ વિકાસ મંત્રાલય સાથે જોડાયેલ નથી.
આ અહેવાલ ખોટા હોવાનું કહેકા પીઆઈબીએ કહ્યું કે, આ અહેવાલ ખોટા અને આધારહીન છે. આ તથ્યની તપાસ કરતાં ખોટી જાણકારીને ફગાવી દેતા કહ્યું કે, આ અહેવાલ નકલી છે, આ વેબસાઈટ, મહિલા અને બાળ વિકાસ મંત્રાલય સાથે જોડાયેલ નથી.
નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.