આ પહેલા દેખાડવામાં આવ્યું હતું કે કઈ રીતે 500 અને 1000 રૂપિયાની નોટ બદલવા માટે એક જ વ્યક્તિઓ વારંવાર આવી રહ્યા છે. જેના કારણે જરૂરિયાત વાળા લોકોને પૈસા નથી મળી રહ્યા. 500 અને 1000ની નોટ બેન કરતા સરકારે કહ્યું હતું કે આ વર્ષના અંત સુધીમાં જુની નોટ બેંકમાં જમા કરાવી દેવામાં આવે. ત્યારબાદ જાહેરાત કરવામા આવી કે હાલ પૂરતા ચાર હજારના જૂની નોટ પાંચસો અને બે હજારની નવી નોટથી બદલી શકાય છે. આ સપ્તાહમાં તેમાં બદલાવ કરીને 4500 રૂપિયા કરવામાં આવ્યા છે, જેને ગુરૂવારે 2000 રૂપિયા કરવામાં આવ્યા હતા.
વિત્ત મંત્રાલયના અધિકારીઓએ માન્યુ કે આનાથી જોવા મળી રહ્યુ છે કે નવા નોટ લેવા માટે બીજા કોઈને મોકલવામાં આવે છે અથવા તો કોઈ એક વ્યક્તિ વારંવાર લાઈનમાં આવી રહ્યું છે.