Anant-Radhika Pre Wedding: ગઇકાલે અનંત અંબાણી અને રાધિકા મર્ચન્ટના પ્રી-વેડિંગ ફંક્શનનો છેલ્લો દિવસ હતો. આવા સંજોગોમાં જામનગરમાં કપલ માટે મહા આરતીનું આયોજન કરવામાં આવ્યું હતું. મહા આરતીની ઝલકનો વીડિયો વાયરલ થઇ રહ્યો છે. જેમાં રાધિકા મર્ચન્ટનું શાહી અંદાજમાં સ્વાગત થતું જોવા મળે છે. આ દરમિયાન રાધિકાનો સુંદર ડાન્સ પણ જોવા મળ્યો હતો.
અનંત-રાધિકાની પ્રી-વેડિંગ પાર્ટીના ત્રીજા દિવસે જે વીડિયો સામે આવ્યા છે તેમાં અંબાણી પરિવારથી લઈને મહેમાનો સુધીના દરેક લોકો પરંપરાગત પોશાક પહેરેલા જોઈ શકાય છે. રાધિકા મર્ચન્ટે મહા આરતીમાં ભવ્ય એન્ટ્રી લીધી હતી. મહેમાનોએ રાધિકા મર્ચન્ટનું આરતી કરીને સ્વાગત કર્યું હતું.
વીડિયોમાં મુકેશ અંબાણી, નીતા અંબાણી, શ્લોકા મહેતા અને ઈશા પીરામલ રાધિકા મર્ચન્ટનું સ્વાગત કરતા જોઈ શકાય છે. આ પછી રાધિકાએ ‘દેખા તેનુ પહલી પહલી બાર’ ગીત પર ડાન્સ કરતી સ્ટેજ પર ગઈ જ્યાં અનંત તેની રાહ જોઈ રહ્યો હતો.
ગૌરી ખાન ટ્રેડિશનલ લુકમાં ખૂબ જ સુંદર લાગી રહી હતી
મહા આરતી દરમિયાન હાજર તમામ સેલેબ્સ અલગ-અલગ ટ્રેડિશનલ લુકમાં જોવા મળ્યા હતા. ગૌરી ખાન બ્લુ કલરના સૂટમાં ખૂબ જ સુંદર લાગી રહી હતી. શાહરૂખ ખાને સફેદ શેરવાનીમાં મહા આરતીમાં હાજરી આપી હતી.
કપૂર બહેનો સાડીમાં જોવા મળી
જ્હાન્વી કપૂરે મહા આરતી માટે પીચ કલરની સાડી પહેરી હતી. તેની બહેન ખુશી તેની સાથે બનારસી સાડીમાં જોવા મળી હતી. જ્હાન્વી કપૂર તેના રૂમર્ડ બોયફ્રેન્ડ શિકર પહાડિયા અને અભિનેતા વેદાંત રૈના સાથે ઇવેન્ટમાં પ્રવેશતી જોવા મળી હતી.
કિયારાએ શ્લોકા સાથે પોઝ આપ્યો હતો
કિયારા અડવાણીએ પણ મહા આરતી માટે સાડી પહેરી હતી. અભિનેત્રી ગોલ્ડન સાડી પહેરીને ખૂબ જ સુંદર લાગી રહી હતી. તે ફંક્શન દરમિયાન શ્લોકા મહેતા સાથે પોઝ આપતી જોવા મળી હતી.
મહા આરતી દરમિયાન મેટાના માલિક માર્ક ઝુકરબર્ગ પણ પરંપરાગત પોશાકમાં જોવા મળ્યા હતા. જ્યારે તેમણે બ્લેક શેરવાની પહેરી હતી, ત્યારે તેમની પત્ની સાડીમાં જોવા મળી હતી.