જામનગરમાં માસ્ક ન પહેરનારને હવે 500 રૂપિયાનો દંડ ભરવો પડશે. જામનગર મ્યુનિસિપલ કમિશનરે માસ્ક પહેરવાને લઈને જાહેરનામું બહાર પાડ્યું છે. જામનગરમાં પ્રથમ વખત માસ્ક પહેર્યા વગર પકડાશો તો 500 રૂપિયા દંડ ભરવો પડશે, જ્યારે બીજી વખત માસ્ક વગર પકડાશો તો 750 રૂપિયા દંડ ભરવો પડશે. શહેરમાં કોરોના સંક્રમણ વધતા જામનગર મનપા દ્વારા આ નિર્ણય લેવામાં આવ્યો છે.
જામનગર કોર્પોરેશનમાં આજે કોરોના વાયરસના 16 કેસ નોંધાયા છે, જ્યારે જામનગર ગ્રામ્યમાં કુલ 4 કેસ નોંધાયા છે. જામનગર કોર્પોરેશમાં 20 અને ગ્રામ્યમાં કુલ 4 દર્દીઓને સારવાર બાદ રજા આપવામાં આવી છે. જામનગનર કોર્પોરેશમાં કોરોનાથી આજે એક દર્દીનું મોત થયું છે.