અમદાવાદઃ અમદાવાદ સહિતનાં શહેરોમાં ટ્રાફિકની સમસ્યા ગંભીર છે અને પોલીસની કનડગત હોવાની ફરિયાદો પણ આવ્યા કરે છે. ટ્રાફિક પોલીસની સાથે ટ્રાફિક નિયમન માટે હોમગાર્ડ પણ સેવામાં હોય છે. ઘણી વખત એવું બને કે હોમગાર્ડ વાહન રોકે અને વાહનચાલક પાસે વાહનના કાગળ માગે.

હકીકતમાં હોમગાર્ડને કોઈ કાર્યવાહી કરવાની સત્તા હોતી નથી. હોમ ગાર્ડ ફક્ત પોલીસને મદદ જ કરી શકે છે. જવાબદાર પોલીસ અધિકારીની સાથે હોમગાર્ડ હોય તો જ તે આપનું વાહન ચેક કરી શકે છે અને કોઈ શંકાસ્પદ ગતિવિધિ લાગે તો તે અધિકારીને અથવા કંટ્રોલરૂમમાં જાણ કરી શકે છે. આ સિવાય તેને કોઈ પણ પગલાં લેવાનો કે રોકવાનો પણ અધિકાર નથી.

હોમ ગાર્ડના જવાનોને ટ્રાફિકના કાયદા હેઠળ કાર્યવાહીની સત્તા નથી. હોમગાર્ડ ફક્ત પોલીસને મદદ કરી શકે અને જવાબદાર પોલીસની હાજરીમાં જ વાહન ચેકિંગ કરી શકે. કોઈની કે વાહનની શંકાસ્પદ ગતિવિધિ લાગે તો પોલીસ/કંટ્રોલરૂમને જાણ કરી શકે પણ પોતે કાર્યવાહી ના કરી શકે.