Heeraben Modi Health : PM મોદીના માતા હીરાબાની તબિયતમાં સતત સુધારો, 2 દિવસમાં હોસ્પિટલમાંથી કરાશે ડિસ્ચાર્જ

PM Modi Mother: પ્રધાનમંત્રી નરેન્દ્ર મોદીના માતા હીરાબાની તબિયત બગડતા તેમને યુ.એન. મેહતા હોસ્પિટલમાં દાખલ કરવામાં આવ્યાં છે.

બ્રેકગ્રાઉન્ડ

PM Modi Mother: પ્રધાનમંત્રી નરેન્દ્ર મોદીના માતા હીરાબાની તબિયત બગડતા તેમને યુ.એન. મેહતા હોસ્પિટલમાં દાખલ કરવામાં આવ્યાં છે. પ્રધાનમંત્રી મોદી ગુજરાત મુલાકાતે આવતાં ત્યારે ઘણી વખત વ્યસ્ત શિડ્યૂલમાંથી સમય કાઢીને માતાને મળવા અને આશીર્વાદ લેવા જતાં હોય છે. નોંધનીય છે કે, કેબિનેટ બેઠક બાદ મુખ્યમંત્રી ભુપેન્દ્ર પટેલે આજે વધુ એક બેઠક યોજી હતી. ગૃહરાજ્ય મંત્રી હર્ષ સંઘવી, મંત્રી જગદીશ વિશ્વકર્મા તથા ઋશિકેષ પટેલ આ બેઠકમાં ઉપસ્થિત રહ્યા હતાં. મુખ્યમંત્રીની સૂચક બેઠક ને લઈ સત્તાવાર કોઈ માહિતી નથી અપાઈ. કેબિનેટ બેઠક બાદ સિનિયર મંત્રીઓ સાથે સીએમની સૂચક બેઠક યોજાઈ હતી

28/12/2022 18:29:23

હીરાબાની તબિયતમાં સતત સુધારો

પીએમ મોદીના માતા હીરાબાની તબિયતમાં સતત સુધારો થઇ રહ્યો છે. 6 તબીબની ટીમ ખડેપગે છે. 2 દિવસમાં હોસ્પિટલમાંથી ડિસ્ચાર્જ કરવામાં આવશે. 

28/12/2022 16:41:49

હીરાબાની નાતંદુરસ્ત તબિયતને લઈ વડનગરના હાટકેશ્વર મંદિરમાં પૂજા

મહેસાણાઃ હીરાબાની નાતંદુરસ્ત તબિયતને લઈ વડનગરના હાટકેશ્વર મંદિરમાં પૂજા કરાઈ. હીરાબાના સ્વાસ્થ્યને લઈ હાટકેશ્વર મંદિર ખાતે વિષેશ પૂજા અર્ચના કરવામાં આવી. હીરાબાના દીર્ઘ આયુષ્ય ને લઈ રુદ્રાભિષેક, રુદ્રિય પાઠ કરવામાં આવ્યો.

28/12/2022 16:04:41

હોસ્પિટલ પહોંચ્યા પીએમ મોદી

માતાની ખબર અંતર પૂછવા પ્રધાનમંત્રી નરેન્દ્ર મોદી અમદાવાદની યુ.એન. હોસ્પિટલ ખાતે પહોંચી ચુક્યા છે.

28/12/2022 15:56:19

PM મોદી એરપોર્ટથી હોસ્પિટલ જવા થયા રવાના

માતાની ખબર અંતર પૂછવા પીએમ મોદી અમદાવાદ આવી પહોંચ્યા છે. તેઓ એરપોર્ટ પરથી હોસ્પિટલ જવા રવાના થઈ ચૂક્યા છે. થોડી વારમાં તેઓ હોસ્પિટલ પહોંચશે.

28/12/2022 15:56:35

અલ્પેશ ઠાકોર, અમિત ઠાકર પહોંચ્યા

ધારાસભ્ય અમિત ઠાકર અને અલ્પેશ ઠાકોર યુ એન મહેતા હોસ્પિટલ પહોંચ્યા છે. પ્રધાનમંત્રી નરેન્દ્ર મોદી ટૂંક સમયમાં અમદાવાદ પહોંચશે.

28/12/2022 15:02:58

PM મોદી 4 વાગ્યા આસપાસ પહોંચશે અમદાવાદ

પ્રધાનમંત્રી નરેન્દ્ર મોદી 4 વાગ્યા આસપાસ અમદાવાદ પહોંચશે. અમદાવાદના મેયર કિરિટ પરમાર, આરોગ્ય મંત્રી ઋષિકેશ પટેલ, પૂર્વ ગૃહરાજ્યમંત્રી પ્રદીપસિંહ જાડેજા યુ.એન.મહેતા હોસ્પિટલ પહોંચી ચુક્યા છે.

28/12/2022 14:58:04

નરોડાના ધારાસભ્ય પાયલ કુકરાણી પહોંચ્યા હોસ્પિટલ

હીરાબાની યુ.એન.મહેતા હોસ્પિટલમાં દાખલ કરવામાં આવ્યા હોવાની વાત પ્રસરતાં જ મોટી સંખ્યામાં નેતાઓ, કાર્યકર્તાઓ હોસ્પિટલ પહોંચી રહ્યા છે. નરોડાના ધારાસભ્ય પાયલ કુકરાણી પણ હોસ્પિટલ પહોંચ્યા છે.

28/12/2022 14:49:15

એરપોર્ટ પર ગોઠવાયો બંદોબસ્ત

પ્રધાનમંત્રી મોદી માતની ખબર અંતર પૂછવા અમદાવાદ આવી રહ્યા છે. જેને લઈ એરપોર્ટ પર બંદોબસ્ત ગોઠવવામાં આવ્યો છે. ધારાસભ્ય અને પૂર્વ મંત્રી રમણલાલ વોરાએ પણ હીરાબાના સ્વાસ્થ્યની જાણકારી મેળવી છે.

28/12/2022 14:08:32

રાજ્યસભા સાંસદ પરિમલ નથવાણી પહોંચ્યો હોસ્પિટલ

પ્રધાનમંત્રી નરેન્દ્ર મોદીની માતાના ખબર અંતર પૂછવા મોટી સંખ્યમાં વીઆઈપી હોસ્પિટલ આવી રહ્યા છે. રાજ્યસભા સાંસદ પરિમલ નથવાણી પણ હોસ્પિટલ પહોંચ્યા છે.

28/12/2022 14:09:05

મુખ્યમંત્રી હોસ્પિટલ જવા થયા રવાન

પ્રધાનમંત્રી નરેન્દ્ર મોદીના માતાની નાદુરસ્ત તબિયતને લઈ યુ.એન.મહેતા હોસ્પિટલમાં દાખલ કરવામાં આવ્યા છે. મુખ્યમંત્રી ભુપેન્દ્ર પટેલ પણ હોસ્પિટલ રવાના થઈ ગયા છે.

28/12/2022 13:49:08

મેડિકલ બુલેટિન

હીરાબાની તબિયત સુધારા પર હોવાનું યુ.એન.મહેતા હોસ્પિટલના મેડિકલ બુલેટિનમાં જણાવવામાં આવ્યું છે.

28/12/2022 13:39:14

પીએમ મોદી આવશે અમદાવાદ

માતાની નાદુરસ્ત તબિયતના પગલે પીએમ મોદી અમદાવાદ આવી રહ્યા છે. પ્રધાનમંત્રીના આગમન અંગે શહેર પોલીસે જાહેરનામું બહાર પાડ્યું છે.  પીએમના આગમન અગાઉ નો ડ્રોન ફલાય ઝોન જાહેર કરવામાં આવ્યો છે. અમર્યાદિત સમય સુધી શહેરમાં નો ડ્રોન ફલાય ઝોન જાહેર કરાયો છે. તાત્કાલિક અસરથી અમલ કરવા શહેરના તમામ પોલીસ સ્ટેશનમાં સૂચના અપાઈ છે.

28/12/2022 13:32:41

કયા ધારાસભ્યો પહોંચ્યા હોસ્પિટલ

 ધારાસભ્ય દર્શનાબેન વાઘેલા અને કૌશિક જૈન યુ.એન.મહેતા હોસ્પિટલ પહોંચ્યા છે.

28/12/2022 13:30:22

હોસ્પિટલ ખાતે ચુસ્ત બંદોબસ્ત

હીરાબાને હોસ્પિટલમાં દાખલ કરવામાં આવતા હોસ્પિટલ ખાતે ચુસ્ત બંદોબસ્ત ગોઠવી દેવામાં આવ્યો છે. હીરાબાની ખબર અંતર જાણવા માટે મુખ્યમંત્રીના મુખ્ય અગ્ર સચિવ કે કૈલાશનાથન યુએન મહેતા હોસ્પિટલ પહોંચ્યા છે. તેમજ અસારવા અને દરિયાપુરના ધારાસભ્ય પણ હોસ્પિટલ ખાતે પહોંચ્યા છે.

28/12/2022 13:27:11

શતાયુ

પીએમ નરેન્દ્ર મોદીના માતા હીરાબેનનો જન્મ 18 જૂન 1923ના રોજ થયો હતો. 18 જૂન 2022 તેમણે તેમના જીવનના 100મા વર્ષમાં પ્રવેશ કર્યો.