રાજકોટની મધ્યસ્થ જેલમા કોરોનાનો વિસ્ફોટ થયો હતો. એક સાથે 23 કેદીઓના કોરોના રિપોર્ટ પોઝિટિવ આવતાં આરોગ્ય વિભાગમાં ખળભળાટ મચી ગયો હતો. ગઈકાલે રાતે તમામ કેદીઓનો રિપોર્ટ પોઝિટિવ આવ્યો હોવાનું જાણવા મળ્યું છે. આ તમામ કેદીઓને આઈસોલેટ કરવામાં આવ્યા છે.
સમગ્ર સૌરાષ્ટ્રમાં કોરોના પોઝિટિવ કેસો તો વધી રહ્યાં છે પરંતુ મોતનાં આંકડાઓમાં પણ સતત વધારો થઈ રહ્યા છે. ગઈકાલે રાજકોટમાં કુલ 95 નવા પોઝિટિવ કેસ નોંધાયા છે. જ્યારે 5 દર્દીના કોરોનાથી મોત નિપજ્યાં છે.
રાજકોટ સિટીમાં 64 અને ગ્રામ્ય વિસ્તારમાં 31 નવા કેસ નોંધાયા છે. જ્યારે છેલ્લા 7 દિવસમાં 100 લોકોનાં કોરોનાથી મોત નિપજ્યાં છે. રાજકોટ જિલ્લામાં અત્યાર સુધીમાં કુલ કેસની સંખ્યા 4 હજારને પાર પહોંચી ગઈ છે.