ઘણાં સમય બાદ મંગળવારે સૌરાષ્ટ્રમાં ભૂકંપનો આંચકો અનુભવાયો હતો. બપોરે 3.50 વાગ્યે 4.1ની તીવ્રતાનો ભૂકંપનો આંચકો આવતાં ઉપલેટા અને આસપાસના ગામડામાં અસર જોવા મળી હતી. ધોરાજીમાં ભૂકંપ આવતાં રસોડાના વાસણ ખખડવા માંડતા લોકો ઘર અને એપાર્ટમેન્ટની બહાર દોડી આવ્યા હતાં.
બપોરે લોકો જ્યારે ભરનીંદરમાં માણી રહ્યાં હતા ત્યારે ભૂકંપનો આંચકો અનુભવતાં અનેક લોકો ભયથી ઘરની બહાર દોડી આવ્યા હતાં. જોકે પંથકમાં એક પણ જગ્યાએ ભૂકંપની કોઈ ગંભીર અસર થઈ ન હતી.
ડિઝાસ્ટર મેનેજમેન્ટની વેબસાઈટ પર સતાવાર વિગતો પ્રમાણે, ઉપલેટાથી 25 કી.મી. દૂરના કેન્દ્રબિંદુ પર 4.1ની તીવ્રતાનો ભૂકંપનો આંચકો નોંધાયો હતો. ભૂંકપને કારણે લોકોમાં ફફડાટ જોવા મળ્યો હતો.
નોંધનીય છે કે, જૂનાગઢ જિલ્લામાં પણ સોમવારે રાત્ર ભૂકંપનો આંચકો અનુભવાયો હતો. રિક્ટર સ્કેલ પર 1.2ની તીવ્રતા નોંધાઈ હતી. જૂનાગઢથી 16 કિમી દૂર કેંદ્ર બિંદુ નોંધાયું હતું. રાત્રે 3.41 વાગ્યે ભૂંકપનો આંચકો અનુભવાયો હતો.