ગોંડલઃ સૌરાષ્ટ્રની હાઈપ્રોફાઈલ બેઠક ગોંડલ વિધાનસભા બેઠક પર એક જ સમાજના બે દિગ્ગજો વચ્ચે શાબ્દિક જંગ શરૂ થઇ ગયો છે. ભાજપના ઉમેદવાર ગીતાબા જાડેજાના પતિ જયરાજસિંહ જાડેજા અને રીબડાના અનિરુદ્ધસિંહ જાડેજા વચ્ચે પ્રતિષ્ઠાનો જંગ બની ગયો છે. મળતી જાણકારી અનુસાર, જયરાજસિંહ જાડેજાના શાબ્દિક વાર બાદ મહિપતસિંહ અને અનિરુદ્ધસિંહે પલટવાર કર્યો હતો. અનિરુદ્ધસિંહે કહ્યું કે આ હવે આ સ્વમાનની લડાઈ છે.ગોંડલમાં લોકોને એમ છે કે રીબડા વાળા ડરી ગયા.પરંતુ જયરાજસિંહને હરાવીશું એ તમને ખાતરી આપુ છું. હું કોંગ્રેસમાં નથી પણ ગોંડલ પૂરતું મારું કોંગ્રેસને સમર્થન છે. સાથે જ આરોપ લગાવ્યો કે 8 તારીખે જયરાજસિંહની તાનાશાહીનો અંત આવશે.
અનિરુદ્ધ સિંહ જાડેજાએ જણાવ્યું હતું કે હું નરેન્દ્ર મોદી અને અમિત શાહની માફી માગું છું, હું ભાજપ સાથે જ છું, પરંતુ ગોંડલ પૂરતો હું કૉંગ્રેસને સમર્થન કરીશ. અમારા સન્માનની વાત આવી છે,મારા પિતાને તું તારી કરે છે. હવે સ્વમાનની લડાઈ છે. ગોંડલના લોકોને એમ છે કે રીબડા વાળા ડરી ગયા છે. જયરાજને હરાવીશું એ તમને ખાતરી આપુ છું કે હું કોંગ્રેસમાં નથી પણ ગોંડલ પૂરતું મારું કોંગ્રેસને સમર્થન છે. જયરાજસિંહ જુગારની ક્લબો ચલાવતા હતા,પોલીસ પણ હપ્તા લેવા જતી હતી, 8 તારીખે જયરાજસિંહની તાનાશાહીનો અંત આવશે. સહદેવ સિંહ જાડેજાને પણ જયરાજસિંહ અને એના છોકરા ધમકી આપી આવ્યા છે, બિહાર અને યુપી જેવી દાદાગીરી જયરાજસિંહ અને એના છોકરાની છે. થોડા દિવસ પહેલા ગોંડલ તાલુકાના ભુણાવા ગામે જયરાજસિંહ જાડેજાએ અનિરુદ્ધસિંહ જાડેજા, સહદેવસિંહ જાડેજા અને મહિપતસિંહ જાડેજા પર આકરા પ્રહારો કર્યા હતા.
Gujarat Election 2022: બોરસદ કોંગ્રેસના ઉમેદવારની કેમ થઈ કમા સાથે સરખામણી ?
Gujarat Election 2022: બોરસદ કોંગ્રેસના ઉમેદવાર રાજેન્દ્રસિંહ પરમારનો સિસ્વા ગામનો વીડિયો વાયરલ થયો છે, જેમાં તેમણે ભાંગરો વાટતાં કહ્યું કે, રાવણનું મોત નાભિમાં હતું. તેના ભાઈને ખબર હતી કે નાભીમાં બાણ મારવાથી રાવણનું મૃત્યુ થશે, રાવણના ભાઈએ ભગવાન શ્રીકૃષ્ણને કહ્યું અને ભગવાને બાણ ચલાવ્યું તેથી રાવણનું મૃત્યુ થયું. વાયરલ વીડિયો લઈ સોશિયલ મીડિયામાં ધારાસભ્યને કમા સાથે સરખાવવામાં આવ્યા છે.
1 ડિસેમ્બરે 19 જિલ્લાની 89 બેઠક માટે પ્રથમ તબક્કાનું મતદાન
- કચ્છ જિલ્લો : બેઠકોના નામ : અબડાસા, માંડવી, ભુજ, અંજાર, ગાંધીધામ, રાપર
- સુરેન્દ્રરનગર જિલ્લો : બેઠકોના નામ : દસાડા (SC), લીમડી, વઢવાણ, ચોટીલા, ધ્રાંગધ્રા
- મોરબી જિલ્લો : બેઠકોના નામ : મોરબી, ટંકારા, વાંકાનેર
- રાજકોટ જિલ્લો : બેઠકોના નામ : રાજકોટ પૂર્વ, રાજકોટ પશ્વિમ, રાજકોટ દક્ષિણ, રાજકોટ ગ્રામ્ય જસદણ, ગોંડલ, જેતપુર, ધોરાજી
- જામનગર જિલ્લો : બેઠકોના નામ : કાલાવડ, જામનગર (ગ્રામ્ય), જામનગર (ઉત્તર), જામનગર દક્ષિણ, જામજોધપુર, ખંભાળિયા, દ્વારકા, પોરબંદર
- દેવભૂમિ દ્વારકા જિલ્લો : બેઠકોના નામ : ખંભાળિયા, દ્વારકા, પોરબંદર
- પોરબંદર જિલ્લો : બેઠકોના નામ : કુતિયાણા, માણાવદર
- જૂનાગઢ જિલ્લો : બેઠકોના નામ : જૂનાગઢ, વીસાવદર, કેશોદ, માંગરોળ
- ગીર-સોમનાથ જિલ્લો : બેઠકોના નામ : સોમનાથ, તલાલા, કોડિનાર, ઉના
- અમરેલી જિલ્લો : બેઠકોના નામ : ધારી, અમરેલી, લાઠી, સાવરકુંડલા, રાજુલા
- ભાવનગર જિલ્લો : બેઠકોના નામ : મહુવા, તળાજા, ગારિયાધર, પાલીતાણા, ભાવનગર ગ્રામ્ય, ભાવનગર પૂર્વ, ભાવનગર પશ્વિમ
- બોટાદ જિલ્લો : બેઠકોના નામ : ગઢડા (SC), બોટાદ
- નર્મદા જિલ્લો : બેઠકોના નામ : નાંદોદ (ST), દેડિયાપાડા (ST)
- ભરૂચ જિલ્લો : બેઠકોના નામ : જંબુસર, વાગરા, ઝઘડિયા (ST), ભરૂચ, અંકલેશ્વર
- સુરત જિલ્લો : બેઠકોના નામ : ઓલપાડ, માંગરોળ (ST), માંડવી, કામરેજ, સૂરત પૂર્વ, સુરત ઉત્તર, વરાછા રોડ, કારંજ, લિંબાયત, ઉધના, મજુરા, કતારગામ, સુરત પશ્ચિમ, ચોર્યાસી, બારડોલી (SC), મહુવા ST
- તાપી જિલ્લો : બેઠકોના નામ : વ્યારા (ST), નિઝર (ST)
- ડાંગ જિલ્લો : બેઠકોના નામ : ડાંગ (ST)
- નવસારી જિલ્લો : બેઠકોના નામ: જલાલપોર, નવસારી, ગણદેવી, વાંસદા (ST)
- વલસાડ જિલ્લો : બેઠકોના નામ : ધરમપુર, વલસાડ, પારડી, કપરાડા, ઉમરગામ (ST)