Gujarat Rain Update: રાજકોટ જિલ્લાના ઉપલેટાનો વેણુ-2 ડેમ 80 % ભરાઈ જતાં હેઠવાસના ગામોને સાવચેત રહેવા સુચના આપવામાં આવી છે. રાજકોટ જિલ્લાના ઉપલેટા તાલુકાના ગધેથડ ગામ પાસેનો સિંચાઈ યોજના નંબર ૧૫૩ વેણુ-૨ ડેમ ભારે વરસાદને કારણે 80 %  ભરાઈ ગયો છે. ડેમમાં હાલ  6.37 વાગ્યે 16666 કયુસેક પ્રવાહની આવક ચાલું છે. ડેમની કુલ સપાટી 55 મી. તથા હાલની સપાટી 53.21,પાણીની આવક વધતા ગમે ત્યારે ડેમના દરવાજા ખોલવામાં આવે તેવી શક્યતાઓ છે.




ડેમના હેઠવાસમાં આવતા ઉપલેટા તાલુકાના ગધેથડ, વરજાંગજાળીયા, મેખાટીંબી, નાગવદર અને નિલાખા ગામોના લોકોએ નદીના પટમાં કે કાંઠા વિસ્તારમાં અવરજવર નહિ કરવા તેમજ સાવચેત રહેવા રાજકોટ ફ્લડ સેલ દ્વારા જણાવવામાં આવ્યું છે.


તો બીજી તરફ રાજકોટ જિલ્લાના જસદણ શહેર અને ગ્રામ્ય વિસ્તારોમાં ધોધમાર વરસાદ વરસી રહ્યો છે. જસદણ,આટકોટ, વિરનગર, લીલાપુર, પોલરપર, કોઠી, જીવાપર, પાંચવડા, સહિતના ગ્રામ્ય વિસ્તારોમાં વરસાદી માહોલ છવાયો છે. ભારે વરસાદના કારણે ખારી નદીનો કોઝવે બંધ થયો છે. ભારે વરસાદના કારણે પાંચ ગામોનો સંપર્ક તુટ્યો છે. ચિતલીયા, લાખાવડ ,કોઠી શાંતિનગર, કનેસરા ગામોનો વાહન વ્યવહાર ખોરવાયો છે. જસદણ શહેરના ચિતલીયા રોડ, નવાબસ સ્ટેન્ડ સહિત વિસ્તારોમાં વરસાદી પાણી ભરાયા છે. તળાવ અને ચેક ડેમમાં નવા નીરની આવક થઇ છે. વરસાદના કારણે કપાસ, મગફળી સહિત પાકને જીવતદાન મળ્યું છે.


 



આજે આ 89 તાલુકામાં વરસ્યો વરસાદ


ગુજરાતમાં ચોમાસાની ધમાકેદાર એન્ટ્રી થઇ છે. સૌરાષ્ટ્ર, ઉત્તર ગુજરાત અને દક્ષિણ ગુજરાતમાં મેઘરાજા મનમૂકીને વરસી રહ્યાં છે. આજે 89 તાલુકામાં વરસાદ વરસ્યો. રાજ્યના મોટભાગના જિલ્લામાં મેઘરાજા મનમૂકીને  વરસી રહ્યાં છે. અરવલ્લી, નવસારી, સુરત, તાપી સહિત સૌરાષ્ટ્રના જિલ્લામાં પણ મેઘમહેર જોવા મળી રહી છે. અરવલ્લીના માલુપરમાં ધોધમાર વરસાદ વરસતા અનેક વિસ્તારમાં વરસાદી પાણી ભરાતા જનજીવન પર સીધી અસર થઇ છે. આજે  89 તાલુકામાં  ક્યાં કેટલો પડ્યો વરસાદ એક નજર કરીએ.



આજના દિવસમાં 89 તાલુકામાં વરસ્યો વરસાદ



  • તાપીના કુકરમુન્ડામાં આજે ચાર ઈંચ વરસાદ

  • આજે બારડોલીમાં સાડા ત્રણ ઈંચ વરસાદ

  • નિઝરમાં અઢી ઈંચ વરસાદ, સુબિરમાં અઢી ઈંચ વરસાદ

  • આજે તિલકવાડા અને ડોલવણમાં અઢી ઈંચ વરસાદ

  • સુરતના મહુવા, તાપીના વ્યારામાં બે બે ઈંચ વરસાદ

  • ઉના, બાયડમાં બે બે ઈંચ વરસાદ

  • વાલોડ,સુત્રાપાડામાં બે બે ઈંચ વરસાદ

  • ડભોઈ, ગરુડેશ્વર, આહવામાં દોઢ દોઢ ઈંચ વરસાદ

  • પલસાણા, ધનસુરા, વિરપુરમાં દોઢ દોઢ ઈંચ વરસાદ

  • નાંદોદ, સાગબારા,કરજણ, તલોદમાં એક એક ઈંચ વરસાદ

  • વઘઈ, ધરમપુર, સોનગઢમાં એક એક ઈંચ વરસાદ

  • સંખેડા, અમદાવાદ શહેરમાં એક એક ઈંચ વરસાદ

  • માલપુર, ડેડીયાપાડા, કપરાડામાં એક એક ઈંચ વરસાદ


Join Our Official Telegram Channel: https://t.me/abpasmitaofficial