શહેરના પરા બજારમાં મહિલાઓ બીડી લેવા માટે ઉમટી પડી હતી. પોતાના ઘરવાળા માટે બીડીની ઝુડી લેવા માટે મહિલાઓ ઉમટી પડી પડી હતી. નોંધનીય છે કે, આજથી પાન-મસાલાની દુકાનો ખુલતા ગુજરાતભરમાં મોટી સંખ્યામાં બંધાણીઓ ખરીદી માટે ઉમટી પડ્યા હતા. અનેક જગ્યાએ સ્ટોક ન હોવાના પણ સમાચાર સામે આવ્યા છે.
રાજકોટમાં પાન-મસાલાની દુકાનધારકોએ હોલસેલ વેચાણ કરતી એજન્સી ખાતે વહેલી સવારથી લાઇનો લગાવી હતી. તેમજ સોશિયલ ડિસ્ટન્સના પણ લીરેલીરા ઉડાળ્યા હતા. ત્યારે પોલીસને સ્થિતિ કાબૂમાં લેવા માટે આવવું પડ્યું હતું. લોકોએ નિયમો ન પાળતા વેપારીએ એજન્સી બંધ કરી દીધી હતી.