Gondal, Ganesh, Gabbar! ગોંડલના રાજકીય અગ્રણીઓ પહોંચ્યા જયરાજસિંહ જાડેજાના ઘરે, કથીરિયા પરત ફર્યાનો ગણેશનો દાવો

Gondal, Ganesh, Gabbar: ગણેશ જાડેજા-અલ્પેશ કથીરિયા વચ્ચે છેલ્લા કેટલાક સમયથી ચાલી રહેલા વાક્યુદ્ધના કારણએ ગોંડલનું રાજકારણ ગરમાયું છે. આજે કથીરિયા સહિતના પાટીદાર આગેવાનો ગોંડલમાં પહોંચી રહ્યા છે.

બ્રેકગ્રાઉન્ડ

Gondal, Ganesh, Gabbar: ગોંડલમાં ગણેશ જાડેજા-અલ્પેશ કથીરિયા વચ્ચે સોશલ મીડિયા પર વોર ચાલી રહી છે. ગણેશ જાડેજાએ આપેલા પડકારને અલ્પેશ કથીરિયાએ ઝીલ્યો છે. તેમણે  સોશિયલ મીડિયા પર એક પોસ્ટમાં લખ્યું છે  છે કે.” "ગોંડલ કરો... સ્વાગતની તૈયારી...” જે બાદ આજે કથિરીયા સહિતના આગેવાનો ગોંડલ પહોંચવાના છે.ઉલ્લેખનિય છે કે, બે દિવસ પહેલાં સુલતાનપુરમાં યોજાયેલી એક સભામાં ગણેશ ગોંડલે  એવું કહ્યું હતું કે, માનું ધાવણ ધાવ્યાં હો તો આવી જાઓ મેદાનમાં. જેના સંદર્ભમાં જ વળતો જવાબ આપતા અલ્પેશ કથીરિયાએ આ પોસ્ટ કરી હતી. તેમણે  ગણેશ જાડેજાએ ખુલ્લો પડકાર ફેંક્યો હતો. તેમણે આ પોસ્ટ દ્વારા ગોંડલ આવવાની અને આખો દિવસ ફરવાની વાત કરી છે. તેમણે કહ્યું કે આ દરમિયાન અમે તપાસ કરીશું કે આખરે  ગોંડલમાં કેવો માહોલ છે? તો બીજી તરફ આ પોસ્ટનો જવાબ આપતા સામે ગણેશ જાડેજાએ લખ્યું કે, “ગોંડલને બદનામ કરનારનું સ્વાગત કરવા ગોંડલની અઢારેય વરણની જનતા તૈયાર છે, જાતિવાદી માનસિકતા ધરાવતા લોકોનું સ્વાગત કરવા જનતા તૈયાર છે.  આ રીતે બંને વચ્ચે છેલ્લા કેટલાક સમયથી વાકયુધ્ધ ચાલી રહ્યો છે, જેના કારણે ગોંડલનું રાજકારણ ગરમાયું છે. છેલ્લા કેટલાક સમયથી પાટીદાર અને જાડેજા જુથ વચ્ચે વાદ વિવાદ ચાલી રહ્યાં છે. બંને વચ્ચે વાક્યુદ્ધ અન પોસ્ટર વોરના કારણએ ગોંડલનું રાજકારણ પણ ગરમાયુ છે. બંનેના સમર્થકોની પોસ્ટર પણ લાગેલા જોવા મળી રહ્યાં છે. બંને વચ્ચેની  સ્થિતિના  કારણએ  આગામી મી દિવસોમાં આ મુદ્દે વધુ રાજકારણ ગરમાય તેવી પૂરેપૂરી સંભાવના છે.ઉલ્લેખનિય છે કે,ઉલ્લેખનિય છે કે, ગોંડલ ગુજરાતના રાજકારણમાં છેલ્લા કેટલાક સમયથી ચર્ચામાં છે. ગત રવિવારે ગોંડલમાં સમાજ હિત માટે લડનારા વિનું શિંગાળાની પ્રતિમા સ્થાપવા મુદ્દે અગ્રણીની બેઠક મળી હતી આ સમયે એક અલ્પેશ કથીરિયા, ધાર્મિક માલવિયા અને મેહુલ બોઘરાએ પાટીદાર જુથને એકજૂટ થવા આહવાન કર્યું હતું. તેમજ જણાવ્યું હતું કે, ગોંડલમાં 80 ટકા પાટીદારની વસ્તી હોવા છતાં છેલ્લા ત્રણ દાયકાથી પાટીદારનો ધારાસભ્ય નથી આવી શક્યા તે શરમજનક છે.

27/04/2025 13:01:58

ગોંડલમાં 2027ની ચૂંટણીમાં વરરાજા બનીને આવો,અણવર બનીને નહીં-જયરાજસિંહ જાડેજા

સુરતના અગ્રણીઓના આક્ષેપો બાદ પ્રથમ વખત જયરાજસિંહ જાડેજા મીડિયા સમક્ષ આવ્યા હતા. જયરાજસિંહ જાડેજા અને ગીતાબા જાડેજા સંયુક્ત પ્રેસ કોન્ફરન્સ કરી હતી. તેમણે કહ્યું કે,  બહારથી આવેલા લોકો ગોંડલમાં બદનામ કરી રહ્યા છે. ગોંડલમાં પાટીદાર સમાજ કોઈ ભયમાં છે જ નહીં. ગોંડલના તમામ પાટીદારો અમારી સાથે છે કોઈ જ ભય નથી.  ગોંડલમાં 2027 ની ચૂંટણીમાં વરરાજા બનીને આવો,અણવર બનીને નહીં. ટિકિટ આપવાનું કામ હાઈ-કમાન્ડનું છે મારું નથી. આ બાબતે હાઈકમાન્ડને હું ગંભીરતાપૂર્વક રજૂઆત કરીશ. ગોંડલના પાટીદાર અગ્રણીઓ અને પાટીદાર સમાજ મારી સાથે છે. 

27/04/2025 11:34:22

દરેક સમાજના રાજકીય આગેવાનો જયરાજસિંહના ઘરે પહોંચ્યા

જયરાજસિંહ જાડેજાના ઘરે ગોંડલના રાજકીય અગ્રણીઓ પહોંચ્યા છે. દરેક સમાજના રાજકીય આગેવાનો જયરાજસિંહના ઘરે પહોંચ્યા છે. પાટીદાર તથા અન્ય સમાજના અગ્રણીઓ જયરાજ સિંહના બંગલે પહોંચ્યા છે. ભાજપ તથા સહકારી અગ્રણીઓ હાઈ પ્રોફાઈલ ડ્રામા વચ્ચે જયરાજસિંહના ઘરે મોટી સંખ્યામાં લોકો પહોંચ્યા છે. સહકારી આગેવાન મગનભાઈ ઘોણીયા, કનકસિંહ જાડેજા સહિતના અગ્રણીઓ ઉપસ્થિત છે.

27/04/2025 13:02:57

ગોંડલની જનતાએ અલ્પેશ કથીરિયાને જવાબ આપી દીધો

ગણેશ જાડેજાએ મીડિયા સાથે વાતચીતમાં જણાવ્યું કે, ગોંડલની જનતાએ અલ્પેશ કથીરિયાને જવાબ આપી દીધો છે. ડર કે બંદૂકની અણીએ આટલા બધા લોકો ભેગા ન થઈ શકે. ગોંડલમાં કોઈ ડરનો માહોલ નથી મારા ઘરની બહાર 3000 લોકોનો મેળાવડો છે. ગીતા બા જાડેજા અને ગણેશ જાડેજાના બંગલાની બહાર લોકોએ અલ્પેશ કથીરિયા વિરુદ્ધ ભારે સૂત્રોચાર કર્યા છે.

27/04/2025 11:05:40

ગોંડલની કોઈ પણ પ્રજા તમને સ્વીકારવા તૈયાર નથી, અલ્પેશ કથીરિયાનો વિરોધ

27/04/2025 11:05:03

અલ્પેશ કથિરીયાના કાફલા પર પથ્થરમારો, ગાડીઓનો ફોડ્યા કાંચ

27/04/2025 11:03:49

અલ્પેશ કથીરિયાનો રૂટ ડાયવર્ટ કરવામાં આવ્યો

કોઈ અણબનાવ ન બને તે માટે ગોંડલ પોલીસ દ્વારા અલ્પેશ કથીરિયાનો રૂટ ડાયવર્ટ કરવામાં આવ્યો છે. જયરાજસિંહના બંગલાની આગળ સમર્થકોનો  જમાવડો જોવા મળી રહ્યો છે.  ઘર્ષણ ન થાય તે માટે અલ્પેશ કથીરિયાનો રૂટ ડાયવર્ટ કરવામાં આવ્યો છે. 

27/04/2025 10:45:09

કેટલીક કારના કાચ તોડવામાં આવ્યા

અલ્પેશ કથીરિયા, ધાર્મિક માલવીયા અને જીગીશા પટેલ​​​​​ આશાપુરા મંદિર ખાતે દર્શન કરવા આવી પહોચ્યા. આ સાથે તેમના કાફલાની કારના કાચ તોડવામાં આવ્યા છે.

27/04/2025 10:43:10

અલ્પેશ તો આવશે જ..., પોલીસ કોઈના બાપની જાગીર નથી

27/04/2025 10:41:58

ગોંડલમાં રાજકીય રીતે ભારેલા અગ્નિની સ્થિતિ

ગોંડલમાં રાજકીય રીતે ભારેલા અગ્નિ જેવી સ્થિતિ છે. અલ્પેશ કથિરીયાને તેના સમર્થકોએ આવકાર્યા છે તો બીજી તરફ ગણેશ જાડેજાના સમર્થકો અલ્પેશ કથિરીયાનો વિરોધ કરી રહ્યા છે. કાળા વાવટા ફરકારવી કથીરિયાનો વિરોધ કરવામાં આવી રહ્યો છે. જીગીષા પટેલ સહિતના આગેવાનો ગોંડલ પહોંચ્યા છે. 

27/04/2025 10:41:48

ગોંડલમાં રાજકીય રીતે ભારેલા અગ્નિની સ્થિતિ

ગોંડલમાં રાજકીય રીતે ભારેલા અગ્નિ જેવી સ્થિતિ છે. અલ્પેશ કથિરીયાને તેના સમર્થકોએ આવકાર્યા છે તો બીજી તરફ ગણેશ જાડેજાના સમર્થકો અલ્પેશ કથિરીયાનો વિરોધ કરી રહ્યા છે. કાળા વાવટા ફરકારવી કથીરિયાનો વિરોધ કરવામાં આવી રહ્યો છે. જીગીષા પટેલ સહિતના આગેવાનો ગોંડલ પહોંચ્યા છે. 

27/04/2025 10:19:36

ગણેશ ગોંડલનો પડકાર ઝીલી અલ્પેશ કથિરીયા પહોંચ્યો ગોંડલ

27/04/2025 10:17:35

ધાર્મિક માલવીયાની ગાડીનો કાચ તોડવામાં આવ્યો

અલ્પેશ કથીરિયા સાથે આવેલા ધાર્મિક માલવીયાની ગાડીનો કાચ તોડવામાં આવ્યો હોવાનો આરોપ લગાવવામાં આવ્યો છે. માલવીયાએ આ અંગે કહ્યું કે, આ ગોંડલ છે કે મિર્ઝાપુર.

27/04/2025 10:14:11

અલ્પેશ કથિરીયા સહિતના નેતાઓ પહોંચ્યા ગોંડલ

ગોંડલ આશાપુરા ચોકડી ખાતે અલ્પેશ કથીરિયાને આવકારવા માટે તેના સમર્થકો પહોંચ્યા છે. એક તરફ ગણેશ જાડેજાના સમર્થકો તો બીજી તરફ અલ્પેશ કથિરિયાના સમર્થકો છે. 

27/04/2025 09:52:26

ગોંડલમાં સંઘર્ષના એંધાણ, પોલીસનો લોખંડી બંદોબસ્ત

27/04/2025 09:50:17

ગણેશ જાડેજાના સમર્થકો પણ ગોંડલના રસ્તા પર ઉતર્યા

તો બીજી તરફ ગણેશ જાડેજાના સમર્થકોએ સવારથી જ અલ્પેશ કથીરિયાના વિરોધમાં રસ્તા પર ઉતરી આવ્યા છે. હાથમાં બેનરો સાથે તેઓ વિરોધ કરી રહ્યા છે. તો બીજી તરફ ભાજપનો જિલ્લા પ્રમુખ અલ્પેશ ઢોલરીયા ગણેશ જાડેજાના સમર્થનમાં છે.

27/04/2025 09:48:36

વર્ષો બાદ ગોંડલમાં ફરી એક વખત સંઘર્ષના એંધાણ

ગણેશ જાડેજાના પડકારને પાટીદાર યુવકોએ ઝીલતા ઘર્ષણની શક્યતા છે. ગણેશ જાડેજાના પડકારનો જવાબ આપવા અલ્પેશ કથીરિયા પહોંચી ગયો છે ગોંડલ. ગોંડલમાં અત્યાર સુધી પોલીસનો લોખંડી બંદોબસ્ત ગોઠવી દેવાયો છે. અલ્પેશ કથીરિયા, વરુણ પટેલ, જીગીશા પટેલને ગોંડલમાં પગ મુકવાનો ફેંક્યો હતો પડકાર.

27/04/2025 09:47:55

કથીરિયા આશાપુરા માતાના દર્શને જશે

પાટીદાર યુવકો અલ્પેશ કથીરિયાને ગબ્બર કહીને સંબોધે છે. ગણેશને તેના સમર્થકો ગોંડલનો દીકરો કહીને સંબોધે છે. સૌ પહેલા અલ્પેશ કથીરિયા આશાપુરા માતાના દર્શને જશે ત્યાર બાદ ગોંડલમાં અલગ અલગ જગ્યાએ ચાલીને જશે.