રાજકોટ ક્રાઈમ બ્રાન્ચની ટીમને બાતમી મળી હતી કે, કમલેશ રામાણી મહેફીલ માણી રહ્યો છે. આ બાતમીના આધારે ક્રાઈમ બ્રાન્ચ અને તાલુકા પોલીસ દ્વારા રેડ પાડવામાં આવી હતી. ઉલ્લેખનિય છે કે, કમલેશ રામાણી થોડાં સમય પહેલાં જ યુનિવર્સિટી રોડ પર પેટ્રોલ પંપ પર ફાયરિંગના વિવાદમાં સપડાયો હતો.
કમલેશ રામાણી એવું રટણ કરતો હતો કે, એમની પાસે દારૂની પરમિટ હોવા છતાં તેમને ખોટી રીતે ઝડપ્યો છે. બીજી તરફ ઝડપાયેલી યુવતી પણ એવું રટણ કરતી હતી કે, તે મોરબીની છે અને તે મકાન જોવા આવી હતી ત્યારે તેમને પોલીસે ઝડપી પાડી હતી. જોકે આ મામલે પોલીસે કહ્યું હતું કે, તપાસમાં વધુ માહિતી મળશે.