રાજકોટ: જનમાષ્ટમીનો તહેવાર નજીક આવતા જ સિંગતેલમાં આગ જરતી તેજી જોવા મળી છે.  રાજકોટમાં બ્રાન્ડેડ સીંગતેલના પ્રતિ ડબ્બાના ભાવ 3 હજારથી 3100  સુધી પહોંચ્યા છે.  સિંગતેલના ભાવમાં છેલ્લા એક મહિનામાં ડબ્બે રૂપિયા 210નો વધારો થયો છે.  કપાસિયા તેલના પ્રતિ ડબ્બાના ભાવ એક મહિનામાં 90 રુપિયા વધ્યા છે.  કપાસિયા તેલના ભાવ પ્રતિ ડબ્બે 1715 સુધી પહોંચ્યા. તેલમાં ભાવ વધારાનું મુખ્ય કારણ મગફળીમાં અછત છે.  ઓફ સિઝન હોવા છતાં અત્યાર સુધીનો રેકોર્ડબ્રેક ભાવ છે. છેલ્લા એક માસથી સિંગતેલ અને અન્ય ખાદ્યતેલના ભાવમાં વધારો થતો જાય છે. 


ઉત્તર પ્રદેશમાં ભારે વરસાદના કારણે ઉનાળુ પાક નિષ્ફળ ગયો છે.  જેના કારણે મગફળીના ભાવ પણ આસમાને પહોંચ્યા છે. સૌરાષ્ટ્રના માર્કેટિંગ યાર્ડમાં મગફળીના ભાવો પણ ઓલ ટાઈમ હાઇ છે.  ગયા વર્ષે ખેડૂતોને ઓપન માર્કેટ યાર્ડમાં જ ખૂબ સારા ભાવ મળ્યા હતા.  તેના કારણે ખેડૂતોએ ટેકાના ભાવે મગફળી વેચી ન હતી.  જેનાથી આ વર્ષે નાફેડ પાસે મગફળીનો સ્ટોક નથી.  એટલું જ નહીં મિલરો અને વેપારીઓનો મત છે કે હાલ ભાવ ઘટે તેવા કોઈ સંકેત નથી.  


17 જુલાઇથી રાજ્યમાં ફરી મેઘમહેર, આ જિલ્લામાં ભારે વરસાદની હવામાન વિભાગની આગાહી 


રાજ્યમાં ફરી વરસાદી સિસ્ટમ સક્રિય થતાં 18 જુલાઇ બાદ વરસાદનું જોર વઘશે. હવામાન વિભાગની આગાહી મુજબ 17 જુલાઇ બાદ  સૌરાષ્ટ્ર અને દક્ષિણ ગુજરાતમાં સામાન્યથી ભારે વરસાદનું અનુમાન છે. 


હવામાન વિભાગની આગાહી મુજબ  આગામી 18 જુલાઇ બાદ ફરી ગુજરાતમાં વરસાદનું જોર વધશે તો. આગામી બેથી ત્રણ દિવસ માત્ર હળવો કે છુટછવો વરસાદ રહેશે. 18 જુલાઇ બાદ ફરી રાજ્યમાં વરસાદનો ત્રીજો રાઉન્ડ શરૂ થશે અને ખાસ કરીને 18 જુલાઇ બાદ સોરાષ્ટ્ર અને દક્ષિણ ગુજરાતના તમામ જિલ્લામાં સાર્વત્રિક સામાન્યથી ભારે વરસાદ પડી શકે છે. હવામાન વિભાગે 18 જુલાઇ બાદ આગામી 7 દિવસ વરસાદની આગાહી કરી છે.


હવામાન વિભાગે 17 અને 18 તારીખે ભારે વરસાદની આગાહી કરી છે. જેના લઇને આ બંને દિવસ  માછીમારો દરિયો ન ખેડવા સૂચના આપવવામાં આવી છે. આજે વલસાડ નવસારી સુરત  સમામાન્ય વરસાદનો અનુમાન છે.  અમદાવાદ શહેરની વાત કરીએ તો અમદાવાદમાં આગામી  24 કલાક વાદળ છાયું વાતાવરણ રહેશે.


 અમરેલીમાં વરસાદી માહોલ


આજે અમરેલી જિલ્લાના અલગ અલગ તાલુકામાં વરસાદ  વરસ્યો. સાવરકુંડલા, ધારી, બગસરા અને ધારી પંથકના કેટલાક ગામોમાં પણ  વરસાદ વરસ્યો. સરસિયા, જીરા સહિતના ગામોમાં ધીમીધારે વરસાદ  વરસ્યો. સાવરકુંડલાના ગ્રામ્ય વિસ્તારોમાં પણ વરસાદી માહોલ જામ્યો હતો. આંબરડી ગામ અને આસપાસના વિસ્તારોમાં પણ આજ  વરસાદ વરસ્યો. 


હવામાન નિષ્ણાંત અંબાલાલ પટેલના અનુમાન મુજબ સૌરાષ્ટ્ર, દક્ષિણ-સૌરાષ્ટ્ર અને કચ્છમાં ભારે વરસાદ વરસી શકે છે. 17થી 20 જુલાઈ સુધી અતિભારે વરસાદનો અનુમાન અંબાલાલ પટેલે વ્યક્ત કર્યો છે. બનાસકાંઠા, સાબરકાંઠા,અરવલ્લીમાં અતિભારે  અને વડોદરા, આણંદ, ખેડામાં અતિભારે વરસાદનો અનુમાન હી અંબાલાલે વ્યક્ત કર્યો છે. ઉપરાંત આહવા, ડાંગ, અમરેલી, ગીર સોમનાથમાં પણ 17થી 20 જુલાઇબ  વરસાદની શક્યતા અંબાલાલે વ્યક્ત કરી છે. 


 


Join Our Official Telegram Channel: https://t.me/abpasmitaofficial