રાજકોટઃ સૌરાષ્ટ્રમાં કોરોનાનો કહેર વધી રહ્યો છે, ત્યારે આજે રાજકોટ શહેરમાં વધુ 35 કેસ નોંધાતા લોકોમાં ફફડાટ વ્યાપી ગયો છે. ગઈ કાલે પણ રાજકોટ કોર્પોરેશન વિસ્તારમાં 70 કેસ નોંધાયા હતા. નવા 35 કેસ સાથે રાજકોટમાં કોરોનાના કુલ કેસ 1413 થઈ ગયા છે. તેમજ રાજકોટમાં સારવાર લઈ રહેલા સૌરાષ્ટ્રના અલગ અલગ જિલ્લાના 12 લોકોના મોત થયા છે.


રાજકોટ કોવિડ હોસ્પિટલમાં આજે એક જ દિવસમાં કોવિડ હોસ્પિટલોમાં 12ના મોત થયા છે. આજે સવારે રાજકોટ સિવિલ કોવિડ હોસ્પિટલમાં 9 અને ખાનગી હોસ્પિટલમાં 1 દર્દીનું સારવાર દરમિયાન મોત મોત થયું છે. આ પછી વધુ બે લોકોના મોત થયા છે. રાજકોટ જિલ્લામાં ગઈ કાલે સાંજે પાંચ વાગ્યા સુધી 949 એક્ટિવ કેસો છે. જ્યારે અત્યાર સુધીમાં કુલ 1090 લોકોએ કોરોનાને મ્હાત આપી છે. તેમજ જિલ્લામાં અત્યાર સુધીમાં કુલ 31 લોકોના કોરોનાથી મોત થયા છે.