મળતી વિગતો પ્રમાણે સાવરકુંડલાના ઠવી, વીરડી, જેજાદ, શેલણા, ભોંકરવા, નાળ સહિતના ગામોમાં વરસાદ પડી રહ્યો છે. સાવરકુંડલાના વિજપડી પંથકમાં પણ પવન સાથે વરસાદ શરૂ થયો છે. વિજપડી ઉપરાંત આસપાસના ગામડાઓમાં ધોધમાર વરસાદ પડી રહ્યો છે. આજે ભાવનગર જિલ્લાના વાતાવરણમાં પલટો આવ્યો છે.
પાલીતાણાના શહેર અને ગ્રામ્ય વિસ્તારમાં વરસાદનું આગમન થું છે. પાલીતાણાના ઘેટી, નાનીમાળ, દુધાળા, કાંજરડા દેડરડા સહિતના પંથકમાં વરસાદની એન્ટ્રી થઈ છે. આજે વલસાડના તિથલમાં ખૂબ જ હળવા છાંટા પડ્યા હતા. વરસાદી ઝાપટાને કારણે વાતાવરણમાં ઠંડક પ્રસરી ગઈ છે. વલસાડના કોસંબામાં પણ વરસાદી પડ્યો હતો.