Accident:રાજકોટ બસ સ્ટેન્ડ નજીક ભયંકર રોડ દુર્ઘટનામાં એક વિદ્યાર્થીએ જીવ ગુમાવ્યો છે. આ વિદ્યાર્થી રાજકોટથી દ્નારકા જઇ રહ્યો હતો આ દરમિયાન રોડ પર 2 એસટી બસ વચ્ચે આવી જતાં બ્રેજેશ સોલંકી નામના વિદ્યાર્થીનું ઘટનાસ્થળે જ કમકમાટીભર્યું મોત થયું છે. વિદ્યાર્થીના મોતની ઘટનાના પગલે રાજકોટ પોલીસ ઘટનાસ્થળે પહોંચી હતી અને તપાસ હાથ ધરી છે. આશાસ્પદ યુવકના આકસ્મિક મૃત્યના સમાચારથી પરિવારજનોમાં શોક છવાઇ ગયો છે.
ચિલોડા-અમદાવાદ હાઈવે પર અકસ્માત
ચિલોડા-અમદાવાદ હાઈવે પર ક્રેઇને ટોકર મારતા ગિફ્ટસિટી નજીક 52 વર્ષીય વ્યક્તિનું મોત થયું છે. મૃતકની ઓળખ રતનપુરના બળવંતસિંહ બિહોલા તરીકે થઇ છે.ડભોડા પોલીસે ઘટનાસ્થળ પર પહોંચી તપાસ હાથ ધરી છે.
અમદાવાદ નજીક ST બસને નડ્યો અકસ્માત
ધ્રોલથી ડુમડા જતી ST બસનો અકસ્માત થતાં 10થી વધુ પશુના મોત થયા છે. ઘટના મોડી રાત્રે બેથી ત્રણ વાગ્યાની વચ્ચે બની હતી.
નરોડા હાઇવે પર અકસ્માતમાં એકનું મોત
વડોદરા પાટિયા પાસે કાર ઝાડ સાથે અથડાતા નિકોલના રહીશનું મોત થયું છે. ગાંધીનગર નજીક દહેગામ નરોડા હાઇવે ઉપર મંદિરે દર્શન કરીને પરત જઈ રહ્યા હતા તે દરમિયાન અકસ્માત સર્જાતા મોત થયું. અકસ્માતની ઘટનાના પગલે ડભોડા પોલીસે તપાસ હાથ ધરી છે.
અમદાવાદના નારોલ વિસ્તારમાં બેફામ કારે એકનો જીવ લીધો
અમદાવાદના નારોલ વિસ્તારમાં માડી રાત્રિએ એક મોટી દૂર્ઘટના ઘટી હતી, જેમાં એક સિક્યૂરિટી ગાર્ડનું મોત થઇ ગયુ હતુ. શહેરના ન્યૂ નારોલ વિસ્તારમાં એક સોસાયટીના ગેટ પાસે સિક્યૂરિટી ગાર્ડ પોતાની ફરજ બજાવી રહ્યો હતો, તે સમયે અચાનક બેફામ બનેલી કારે આવીને ટક્કર મારી હતી, આ ટક્કરમાં સિક્યૂરિટી ગાર્ડનું કચડાઇ થતાં મોત થયુ હતુ. ઘટનાની વિગતો એવી છે કે, અમદાવાદના ન્યૂ નારોલ વિસ્તારમાં સિક્યૂરિટી ગાર્ડ પર ગાડી ફેરવીને હત્યા કરાઇ હોવાની ઘટના સામે આવી છે. નારોલ વિસ્તારની નીલકંઠ રેસિડેન્સીમાં ગઇ રાત્રિ દરમિયાન આ ઘટના ઘટી હતી. અહીં એક કાર ચાલકે ડ્રાઇવિંગ દરમિયાન પોતાની કારના સ્ટેયરિંગ પરથી કાબુ ગુમાવી દીધુ હતુ, આ પછી સોસાયટીના ગેટ પર ફરજ બજાવતા સિક્યૂરિટી ગાર્ડને આ બેકાબૂ બનેલી કારના ડ્રાઇવરે કચડી નાંખીને મોતને ઘાટ ઉતારી દીધો હતો. હવે આ સમગ્ર ઘટનાના સીસીટીવી ફૂટેજ સામે આવ્યા છે, મૃતક સિક્યૂરિટી ગાર્ડ કિશનનું ઘટના સ્થળે જ મોત થતાં લોકોમાં ભય ફેલાયો છે. હાલમાં કે ડિવિઝન ટ્રાફિક પોલીસ સ્ટેશનમાં આ મોત અંગે ફરિયાદ નોંધાઇ છે.