Republic Day Celebration: ધરપકડ કરાયેલ સંદિગ્ધો માંથી એક ઉત્તરાખંડનો છે જ્યારે બીજો દિલ્હીનો છે. પોલીસને શંકા છે કે તેમના ખાલિસ્તાની આતંકવાદીઓ સાથે સંબંધ છે. બંનેની પૂછપરછ કરવામાં આવી રહી છે.


Delhi Police Arrested Terror Suspect:


પ્રજાસત્તાક દિવસ પહેલા રાજધાની દિલ્હીમાં આતંકવાદીઓના એક મોટા કાવતરાને નિષ્ફળ બનાવતા બે સંદિગ્ધોની ધરપકડ કરવામાં આવી છે. દિલ્હી પોલીસના સ્પેશિયલ સેલે આતંકવાદી સંગઠનો સાથે જોડાયેલા બે લોકોની ધરપકડ કરી છે.


આરોપીઓમાંથી એક જગજીત સિંહ ઉર્ફે જગ્ગા (29) ઉત્તરાખંડના ઉધમ સિંહ નગરનો રહેવાસી છે જ્યારે બીજો નૌશાદ (56) દિલ્હીના જહાંગીરપુરીનો રહેવાસી છે. આરોપીઓ પાસેથી ત્રણ પિસ્તોલ અને 22 જીવતા કારતૂસ પણ મળી આવ્યા છે.


ખાલિસ્તાનીઓ સાથે જોડાણની આશંકા :


પોલીસને શંકા છે કે જગજીત સિંહ ઉર્ફે જગ્ગા કેનેડા સ્થિત ખાલિસ્તાની આતંકવાદી સાથે સંબંધ ધરાવે છે. પોલીસના જણાવ્યા અનુસાર, બંને ઉત્તર પશ્ચિમ દિલ્હીના જહાંગીરપુરી વિસ્તારમાંથી પકડાયા હતા. પોલીસ ખાલિસ્તાનીઓ સાથે સંબંધ ધરાવતા કેટલાક અન્ય સંદિગ્ધોની પણ પૂછપરછ કરી રહી છે.


નૌશાદ પહેલા પણ તેના સંગઠનો સાથે સંબંધો હતા. તે આતંકવાદી સંગઠન હરકત-ઉલ-અંસાર સાથે સંકળાયેલો હતો. પોલીસે જણાવ્યું કે નૌશાદને હત્યાના બે કેસમાં આજીવન કેદની સજા ફટકારવામાં આવી છે. આ સાથે તે એક્સપ્લોઝિવ એક્ટ કેસમાં 10 વર્ષથી જેલમાં પણ છે. જો કે તે જેલમાંથી કેવી રીતે બહાર આવ્યો તે હજુ સ્પષ્ટ થયું નથી.


બંબીહા ગ્રુપ સાથે પણ જોડાયેલ છે તાર : 


મળેલ માહિતી મુજબ, જગજીત ઉર્ફે જગ્મા કુખ્યાત 'બંબીહા' ગેંગનો સભ્ય છે. બંબીહા ગેંગ વિદેશથી ઓપરેટ થાય છે. જગ્ગાને ત્યાંથી સૂચનાઓ મળી રહી છે. તે ઉત્તરાખંડમાં એક હત્યા કેસમાં પેરોલમાંથી ફરાર થઈ ગયો હતો.


પોલીસ હાલમાં તેમની અન્ય કેસમાં તેમની સંડોવણી જાણવા વધુ તપાસ કરી રહી છે.


 


આ પણ વાંચો:


Mumbai: માસ્કના ચક્કરમાં ફસાયા ચોર! ફિલ્મ પ્રોડ્યુસરના ફ્લેટમાં થયેલ લૂંટનો કેસ માત્ર 48 કલાકમાં ઉકેલાયો


Mumbai News: મુંબઈ પોલીસે ફિલ્મ પ્રોડ્યુસરના ઘરે લૂંટ કરનાર  3 આરોપીઓની ધરપકડ કરી છે, લૂંટની યોજના બનાવનાર માસ્ટરમાઇન્ડ ફ્લેટમાં ફર્નિચરનું કામ કરતો હોવાનું બહાર આવ્યું છે.


Maharashtra News: મુંબઈના બાંગુર નગર પોલીસે ફિલ્મ પ્રોડ્યુસરના ફ્લેટમાં થયેલી લૂંટનો ભેદ ઉકેલતા 3 આરોપીઓની ધરપકડ કરી છે, પોલીસે આરોપીઓ પાસેથી 40 લાખ 9 હજાર રૂપિયાથી વધુના દાગીના જપ્ત કર્યા છે. રોકડ અને 12 ગ્રામ સોનાના દાગીના મળી આવ્યા છે. માસ્ક દ્વારા આરોપીની ઓળખ કરવામાં આવી છે. કારણ કે આરોપીએ પોતાની ઓળખ છુપાવવા માટે ફક્ત એક કલાક સુધી જ માસ્કનો ઉપયોગ કર્યો હતો.