સુરતઃ શહેરના પાંડેસરા વિસ્તારમાં બીજા માળેથી નીચે પટકાતા 10 મહિનાના બાળકનું મોત થયું છે. આ ઘટનાને કારણે સમગ્ર વિસ્તારમાં અરેરાટી વ્યાપી ગઈ છે. પાંડેસરાના અપેક્ષાનગરના મકાનમાં 10 મહિનાનો જયેશ પાટીલ ઘરમાં પલંગ પર હતો. આ પલંગ પાસે ગ્રીલ વગરની બારી હતી અને બાળક રમતા રમતા પલંગ પરથી પટકાતા નીચે પડ્યો હતો અને તેનું મોત થયું હતું. જયેશ રમતા રમતા બારી નજીક પહોંચી ગયો હતો અને ત્યાંથી નીચે પટકાયો હતો. બારી પાસે સંતુલન ખોરવાઈ જતા જયેશ બીજા માળેથી પટકાયો હતો. ગંભીર રીતે ઘવાયેલા જયેશને સારવાર અર્થે ખસેડાયો હતો. જ્યાં ટૂંકી સારવાર બાદ મોત થયું હતું. પાંડેસરા પોલીસે અકસ્માતે નોંધ કરી તપાસ આરંભી છે.