વલસાડઃ ગુજરાત સહિત સમગ્ર દેશમાં અત્યારે કોરોના મહામારી ચાલી રહી છે. ત્યારે પ્રસિદ્ધ ટેલિવિઝન સિરિયલ 'તારક મહેતા કા ઉલ્ટા'માં કોરોના મહામારી દરમિયાન આવશ્યક ઇન્જેક્શનની કાળાબજારીનો એપિસોડ ચાલી રહ્યો છે. ત્યારે સિરિયલનું શૂટિંગ જે રિસોર્ટમાં થઈ રહ્યું છે, તેનને કન્ટન્મેન્ટ ઝોનમાં મૂકી દેવામાં આવ્યો છે.
આ અંગે મળતી વિગતો પ્રમાણે, તારક મહેતા કા ઉલ્ટા ચશ્મા સિરિયલનું અત્યારે દમણના મીરાસોલ રિસોર્ટમાં શૂટિંગ ચાલી રહ્યું છે. જોકે, તેને કન્ટેન્મેન્ટ ઝોનમાં મુકી દેવામાં આવ્યો છે. જોકે, આ સિવાય બીજી કોઈ વિગતો જાણવા મળી નથી.
રાજ્યમાં ધીરે ધીરે કોરોના વાયરસ (Coronavirus)ની રફતાર ધીમે પડી રહી છે. નવા કેસોની સંખ્યામાં ઘટાડો આવી રહ્યો છે. રાજ્યમાં છેલ્લા 24 કલાકમાં 4,773 નવા કેસ નોંધાયા છે અને 64 દર્દીના કોરોનાથી મૃત્યુ થયા છે. તેની સાથે કોરોનાથી કુલ મૃત્યુઆંક 9,404 પર પહોચ્યો છે. રાજ્યમાં સાજા થતા દર્દીઓની સંખ્યા પણ સતત વધી રહી છે. રાજ્યમાં આજે 8,308 દર્દીઓએ કોરોનાને મ્હાત આપી છે.
રાજ્યમાં અત્યાર સુધી 677798 લોકો ડિસ્ચાર્જ થઈ ચૂક્યા છે. રાજ્યમાં એક્ટિવ કેસ (Active cases)ની સંખ્યામાં પણ ઘટાડો આવ્યો છે. રાજ્યમાં હાલ એક્ટિવ કેસનો આંકડો 89018 પર પહોંચ્યો છે. જેમાંથી 716 દર્દી વેન્ટિલેટર પર અને 88302 લોકો સ્ટેબલ છે. રાજ્યમાં કોરોનાથી રિકવરી રેટ 87.32 ટકા છે.
ક્યાં કેટલા કેસ નોંધાયા ?
આજે અમદાવાદ કોર્પોરેશનમાં 1079, વડોદરા કોર્પોરેશન 422, સુરત કોર્પોરેશન-297, સુરત 209, રાજકોટ કોર્પોરેશન 192, વડોદરા 162, આણંદ 161, ભરૂચ 138, જામનગર કોર્પોરેશન 138, કચ્છ 134, પંચમહાલ 126, જૂનાગઢ 117, સાબરકાંઠા 105, જૂનાગઢ કોર્પોરેશન 101, મહેસાણા 97, દાહોદ 91, ખેડા 88, મહીસાગર 85, પોરબંદર 82, રાજકોટ 72, દેવભૂમિ દ્વારકા 69, બનાસકાંઠા 65, જામનગર 65, અમરેલી 63, ભાવનગર કોર્પોરેશન 59, પાટણ 59, ગાંધીનગર 58, નવસારી 54, વલસાડ 52, ભાવનગર 51, ગાંધીનગર કોર્પોરેશન 51, નર્મદા 43, ગીર સોમનાથ 34, સુરેન્દ્રનગર 32, અરવલ્લી 28, છોટા ઉદેપુર 28, અમદાવાદ 27, મોરબી 13, તાપી 10, બોટાદ 8 અને ડાંગમાં 8 કેસ સાથે કુલ 4,773 નવા કેસ નોંધાયા છે.
ક્યાં કેટલા મોત થયા ?
આજે અમદાવાદ કોર્પોરેશનમાં 8, વડોદરા કોર્પોરેશન 3, સુરત કોર્પોરેશન-5, સુરત 3, રાજકોટ કોર્પોરેશન 3, વડોદરા 3, આણંદ 1, ભરૂચ 1, જામનગર કોર્પોરેશન 3, કચ્છ 1, પંચમહાલ 0, જૂનાગઢ 2, સાબરકાંઠા 1, જૂનાગઢ કોર્પોરેશન 2, મહેસાણા 3, દાહોદ 1, ખેડા 0, મહીસાગર 1, પોરબંદર 1, રાજકોટ 3, દેવભૂમિ દ્વારકા 1, બનાસકાંઠા 4, જામનગર 2, અમરેલી 2, ભાવનગર કોર્પોરેશન 1, પાટણ 1, ગાંધીનગર 1, નવસારી 0, વલસાડ 1, ભાવનગર 1, ગાંધીનગર કોર્પોરેશન 0, નર્મદા 0, ગીર સોમનાથ 1, સુરેન્દ્રનગર 1, અરવલ્લી 0, છોટા ઉદેપુર 1, અમદાવાદ 1, મોરબી 0, તાપી 0, બોટાદ 1 અને ડાંગમાં 0 સાથે કુલ 64 લોકોના કોરોના સંક્રમણના કારણે મોત થયા છે.
રાજ્યમાં આજે કુલ 1,37,172 વ્યક્તિઓનું રસીકરણ કરવામાં આવ્યું. રાજ્યમાં કોવિડ 19ની સાજા થવાના દરમાં સતત વધારો થયો છે. રાજ્યમાં સાજા થવાનો દર 87.32 ટકા છે.