સુરત: કોરોનાના કહેર વચ્ચે સુરતથી ચોંકાવનારા સમાચાર સામે આવ્યા છે. જૂનાગઢથી એક પરિવાર સુરત આવ્યો હતો. આ પરિવારના ત્રણ સભ્યોને ક્વોરેન્ટાઇનના સિક્કા મારવામાં આવ્યા છે. આ સિક્કા હવે તેમના માટે માથાનો દુઃખાવો બન્યા છે. નોંધનીય છે કે, સુરતમાં આવતાં લોકોને સિક્કા મારીને ક્વોરેન્ટાઇન કરવામાં આવે છે.

જૂનાગઢથી એક પરિવારના 3 સભ્યો સુરત આવ્યા છે. ત્યારે સુરતના એન્ટ્રી ગેટ પર હાથ પર ક્વોરેન્ટાઇનના સિક્કા મારવામાં આવ્યા છે. હવે સિક્કાની એલરજી થતા પરિવાર મુંઝવણમાં મુકાયો છે. સુરત શહેર માટે આ પ્રકારનો પ્રથમ કિસ્સો છે. આ પરિવાર સરથાણા વિસ્તારમાં ક્વોરેન્ટાઇન થયો છે. મહિલા, પુરુષ અને બાળકીની ચામડી બળી જતાં પરિવાર દોડતું થઈ ગયું છે.