GSHSEB 12th Result 2023 Out For General Stream: આજે ગુજરાતમાં ધોરણ 12ના વિદ્યાર્થીઓનું સામાન્ય પ્રવાહનું પરિણામ જાહેર થઇ ગયુ છે, સમગ્ર ગુજરાતમાં આ વખતે ધોરણ 12નું પરિણામ 73.27 આવ્યુ છે. આ પરિણામ આજે સવારે 8 વાગ્યાથી રાજ્ય શિક્ષણ બૉર્ડની વેબસાઇટ પર મૂકવામાં આવ્યું છે, વૉટ્સએપ પરથી પણ આ પરિણામ ચેક કરી શકાય છે. આ પરિણામમાં સુરતની વિદ્યાર્થીની કમાલ કર્યો છે, પિતા વિહોણી દીકરી સુરતમાં ફર્સ્ટ આવી છે. 


આજે આવેલા સામાન્ય પ્રવાહના પરિણામમાં સુરતમાં પિતા વિહોણી દીકરીએ બાજી મારી છે, નીતિશા પટેલ નામાની વિદ્યાર્થી સુરતમાં પ્રથમ આવી છે, નીતિશા પટેલે ધોરણ 12માં 99.99 PR મેળવ્યા છે, અને નીતિશાએ 96.86 ટકા સાથે પ્રથમ નંબર હાંસલ કર્યો છે. 


ખાસ વાત છે કે પિતા વિહોણી દીકરી નીતિશા પટેલને સુરતમાં શાળાએ ખુબ જ મદદ કરી હતી, અને શાળા હજુ પણ ભવિષ્યમાં મદદ કરવા માટે તૈયાર છે. નીતિશાને શાળામાં તમામ પુસ્તકો આપવામાં આવ્યા હતા.


ધો. 12 સામાન્ય પ્રવાહ પરિણામની મોટી વાતો



  • ધોરણ 12 સામાન્ય પ્રવાહમાં વિદ્યાર્થીઓનું 67.03 ટકા પરિણામ

  • ધોરણ 12 સામાન્ય પ્રવાહમાં વિદ્યાર્થિનીઓનું 80.39 ટકા પરિણામ જાહેર થયું છે

  • 311 શાળાઓનું 100 ટકા પરિણામ

  • રાજ્યની 44 શાળાઓનું 10 ટકા કરતા ઓછુ પરિણામ

  • 84.59 ટકા પરિણામ સાથે કચ્છ જિલ્લો નંબર વન

  • 54.67 ટકા પરિણામ સાથે દાહોદ જિલ્લાનું સૌથી ઓછુ પરિણામ

  • 1875 વિદ્યાર્થીઓએ મેળવ્યો A1 ગ્રેડ

  • 21,038 વિદ્યાર્થીઓએ મેળવ્યો A2 ગ્રેડ

  • 52,291 વિદ્યાર્થીઓએ મેળવ્યો B1 ગ્રેડ

  • 83,596 વિદ્યાર્થીઓએ મેળવ્યો B2 ગ્રેડ

  • 1,01, 797 વિદ્યાર્થીઓએ મેળવ્યો C1 ગ્રેડ

  • 77,043 વિદ્યાર્થીઓએ મેળવ્યો C2 ગ્રેડ

  • 12,020 વિદ્યાર્થીઓએ મેળવ્યો D ગ્રેડ

  • સૌથી વધુ પરિણામ   95.85 ટકા સાથે ધાગધ્રાનું છે

  • ગત વર્ષની સરખામણીમાં આ વર્ષે 13 ટકા ઓછું પરિણામ આવ્યું છે.

  • દાહોદ જિલ્લાનું સૌથી ઓછું પરિણામ આવ્યું છે.

  • સૌથી વધુ પરિણામ  95.85 ટકા સાથે ધાગધ્રાનું છે


આ રીતે ચેક કરો પરિણામ



  • સ્ટેપ- 1: પરિણામ તપાસવા માટે વિદ્યાર્થીઓ પહેલા સત્તાવાર વેબસાઇટ gseb.org પર જાવ.

  • સ્ટેપ-2 : તે પછી વિદ્યાર્થી હોમ પેજ પર GSEB પરિણામ લિંક પર ક્લિક કરો.

  • સ્ટેપ- 3: હવે તમારી સામે એક નવું પેજ ખુલશે.

  • સ્ટેપ-4: આ પેજ પર વિદ્યાર્થીઓ તેમનો રોલ નંબર અને અન્ય વિગતો દાખલ કરો.

  • સ્ટેપ-5: હવે વિદ્યાર્થીનું 12માનું પરિણામ સ્ક્રીન પર દેખાશે.

  • સ્ટેપ-6: હવે વિદ્યાર્થીઓ આ પેજ ડાઉનલોડ કરો.

  • સ્ટેપ-7: અંતે વિદ્યાર્થીઓ આ પેજની પ્રિન્ટ આઉટ લઇ લો.